Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Eti Mbụk Emi Otode Abasi!

 UKPEPN̄KPỌ 8

Ntak Emi Abasi Ayakde Idiọkn̄kpọ ye Ufen Ẹdu?

Ntak Emi Abasi Ayakde Idiọkn̄kpọ ye Ufen Ẹdu?

1. Didie ke idiọkn̄kpọ ọkọtọn̄ọ?

Abasi ayak mme owo ẹkara tutu emi man mmọ ẹkụt ke mmimọ ikemeke ndikọk mfịna ubonowo

Idiọkn̄kpọ ọkọtọn̄ọ mi ke isọn̄ ke ini Satan okosude akpa nsu. Angel emi akakabarede edi Satan mi ama ọfọn ama ke ini ẹkebotde enye, edi ‘ikọsọn̄ọke ida ke akpanikọ.’ (John 8:44) Enye okoyom mme owo ẹtuak ibuot ẹnọ imọ utu ke Abasi. Ntre, enye ama osu nsu ọnọ Eve, onyụn̄ anam enye okop uyo esie utu ke uyo Abasi. Adam ama etiene Eve ọsọn̄ ibuot ye Abasi. Se Adam akanamde emi anam mme owo ẹbọ ufen ẹnyụn̄ ẹkpan̄a.Kot Genesis 3:1-6, 19.

Satan ọkọtọn̄ọ en̄wan ye ukara Abasi ke ini enye ọkọdọhọde Eve ọsọn̄ ibuot ye Abasi. Ata ediwak owo ẹdiana ye Satan ẹsịn ukara Abasi. Nte Satan asan̄ade edi “andikara ererimbot emi” edi oroKot John 14:30; 1 John 5:19.

2. Ndi se Abasi okobotde ikọfọnke?

Kpukpru se Abasi okobotde ama ọfọn ama anana ndo. Ntre, mme owo ye mme angel emi Abasi okobotde ẹkpekekeme ndikop item esie ketket. (Deuteronomy 32:4, 5) Ke ini Abasi okobotde owo, Enye ama ọnọ owo ifụre ndimek ndinam eti m̀mê idiọk. Ifụre emi anam nnyịn ikeme ndiwụt m̀mê imama Abasi.Kot James 1:13-15; 1 John 5:3.

3. Ntak emi Abasi ayakde mme owo ẹbọ ufen tutu emi?

Jehovah ọyọ nsọn̄ibuot owo ke ata ediwak isua idahaemi. Ntak-a? Man mme owo ẹkụt ke ukaraidem ifọnke. (Ecclesiastes 7:29; 8:9) Ndien se iwọrọde owo ke ofụri isua 6,000 emi mmọ ẹkarade idem mi owụt ke owo ikemeke  ndikara idem. Idụhe ukara owo ndomokiet emi ekemede nditre ekọn̄, ubiatibet, ufịk, ye udọn̄ọ.Kot Jeremiah 10:23; Rome 9:17.

Edi n̄kpọ ọyọfọn ye mbon emi ẹnyịmede Abasi akara mmimọ. (Isaiah 48:17, 18) Jehovah ọmọn̄ osobo ukara owo efep ke mîbịghike. Ndien sụk mbon emi ẹnyịmede Abasi akara mmimọ ẹdidụn̄ ke isọn̄.Isaiah 11:9; Kot Daniel 2:44.

4. Nso ufọn ke ime Abasi enyene?

Satan ọkọdọhọ ke owo ndomokiet idisọn̄ọke ida ikpono Jehovah ke imaesịt. Ndi akpama ndiwụt ke Satan ososu? Imọdiọn̄ọ ke emekeme! Ime Abasi ọnọ kpukpru nnyịn ifet ndiwụt m̀mê ida inọ ukara esie m̀mê ukara owo. Nte nnyịn idude uwem owụt ebiet emi idade inọ.Kot Job 1:8-12; Mme N̄ke 27:11.

5. Nso ke ikpanam ndiwụt ke iyom Abasi akara nnyịn?

Nte idude uwem owụt m̀mê iyom Abasi akara nnyịn

Edieke ikpepde Bible inyụn̄ ituakde ibuot inọ Abasi nte Bible etemede, oro owụt ke iyom Abasi akara nnyịn. (John 4:23) Ukem nte Jesus, ana iwụt ke nnyịn iyomke Satan akara nnyịn ke nditre ndisịn idem ke mbre ukara ye ekọn̄.Kot John 17:14.

Satan ada odudu esie anam mme owo ẹdu ata idiọk uwem. Mme ufan ye mme iman nnyịn ẹkeme ndisak nnyịn mîdịghe ẹkọbọ nnyịn sia nnyịn mîtieneke mmọ idu utọ uwem emi. (1 Peter 4:3, 4) Ntre, nnyịn inyene ndibiere m̀mê iditiene mmọ m̀mê iditiene mbon emi ẹmade Abasi m̀mê iyonyụn̄ inịm nti ibet emi Abasi ọnọde nnyịn ke ima. Edieke inamde emi, iwụt ke Satan okososu ndidọhọ ke owo ekededi oro okụtde ukụt idikopke uyo Abasi.Kot 1 Corinth 6:9, 10; 15:33.

Nte Abasi amade nnyịn anam inịm ke enye ayanam idiọkn̄kpọ ye ufen ẹtre. Mbon oro ẹwụtde ke imenịm emi ke akpanikọ ẹyedu uwem ke nsinsi ke isọn̄ emi.Kot John 3:16.