Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Eti Mbụk Emi Otode Abasi!

 UKPEPN̄KPỌ 1

Nso Idi Eti Mbụk?

Nso Idi Eti Mbụk?

1. Nso idi eti mbụk emi otode Abasi?

Abasi oyom mme owo ẹkop inemesịt ke isọn̄ emi. Enye okobot isọn̄ ye kpukpru se idude ke esịt sia enye amade owo. Ibịghike, enye ọmọn̄ anam n̄kpọ ọfọn ye mme owo ke kpukpru ebiet. Enye eyetre kpukpru ufen ke isọn̄ emi.Kot Jeremiah 29:11.

Idụhe ukara ndomokiet emi ekemede nditre afai, udọn̄ọ, m̀mê n̄kpa. Edi imenyene eti mbụk inọ fi. Ibịghike, Abasi oyosobo kpukpru ukara owo onyụn̄ ọtọn̄ọ ukara esie. Mbon oro ẹdidude uwem ini oro ẹyebọ emem idinyụn̄ idọn̄ọke aba.Kot Isaiah 25:8; 33:24; Daniel 2:44.

2. Ntak emi ikpọkwọrọde eti mbụk emi usọp usọp?

Ufen editre ke isọn̄ emi ke Abasi ama okosobo mme idiọkowo. (Zephaniah 2:3) Ini ewe ke emi editịbe? Bible ama etetịn̄ ke ererimbot edidiọk ntem. Nte n̄kpọ etiede ke ererimbot idahaemi owụt ke ini oro enen̄ede ekpere.Kot 2 Timothy 3:1-5.

3. Nso ke ikpanam?

Nnyịn ikpenyene ndida Bible n̄kpep n̄kpọ mban̄a Abasi. Bible onyụn̄ etie nte leta emi edima ete nnyịn ewetde ọnọ nnyịn. Bible etịn̄ se ikpanamde man ikop inem uwem idahaemi, ye se ikpanamde man idu uwem ke nsinsi ke isọn̄ ke ini iso. Imọfiọk ke ndusụk owo idimaha ndikụt fi ekpepde Bible. Edi kûdedei uyak n̄kpọ ndomokiet anam fi ataba utọ inem inem ini iso emi.Kot Mme N̄ke 29:25; Ediyarade 14:6, 7.

Kpep N̄kpọ En̄wen

Ntak Emi Ekpekpepde Bible?

Bible anam ediwak miliọn owo ke ofụri ererimbot ẹfiọk ibọrọ mbụme emi afịnade ata ediwak owo. Ndi akpama nditiene mfiọk?