Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Eti Mbụk Emi Otode Abasi!

 UKPEPN̄KPỌ 3

Ndi Eti Mbụk Emi Enen̄ede Oto Abasi?

Ndi Eti Mbụk Emi Enen̄ede Oto Abasi?

1. Anie enyene Bible?

Bible ọdọhọ ke mme owo ẹyedu ke isọn̄ emi ke nsinsi, ndien emi edi eti mbụk. (Psalm 37:29) N̄kpri n̄wed 66 ẹdu ke Bible. Ndien Abasi akada n̄kpọ nte owo 40 ewet mme n̄wed emi. Moses ekewet akpa n̄wed ition ke otu emi ke n̄kpọ nte isua 3,500 emi ẹkebede. Apostle John ewet akpatre ke se ibede isua 1,900 idahaemi. Mme andiwet Bible ẹkewet ekikere anie? Abasi akada edisana spirit esie asian mmọ se mmọ ẹdiwetde. (2 Samuel 23:2) Mmọ ẹkewet ekikere Abasi, idịghe eke mmọ. Ntre, Bible edi N̄wed Abasi.Kot 2 Timothy 3:16; 2 Peter 1:20, 21.

2. Nnyịn isan̄a didie ifiọk ke se ẹwetde ke Bible enen?

Nnyịn imọfiọk ke Bible edi N̄wed Abasi koro enye etịn̄ nnennen nnennen se iditịbede ke ini iso. Idụhe eke ekpekemede ndinam emi. (Joshua 23:14) Ata Ọkpọsọn̄ Abasi kpọt ekeme nditịn̄ se iditịbede inọ owo ke ini iso.Kot Isaiah 42:9; 46:10.

Akpana N̄wed Abasi okpụhọde ye mme n̄wed eken, ndien ntre ke onyụn̄ edi ye Bible. Ẹmịn̄ ediwak biliọn Bible ke ediwak usem. Okposụkedi emi ẹkewetde Bible ke eset, se enye etịn̄de ekem ye ifiọk ntaifiọk. Ke adianade do, owo 40 emi ẹkewetde Bible ikedịghe enye emi etịn̄ esịn enye oko etịn̄ osio. * N̄ko-n̄ko, se Bible etịn̄de aban̄a ima enen̄ede owụt ke enye edi N̄wed Abasi, enye onyụn̄ enyene odudu ndinam mme owo ẹkpụhọde. Emi anam ata ediwak owo ẹnịm ke Bible edi Ikọ Abasi.Kot 1 Thessalonica 2:13.

 3. Bible etetịn̄ aban̄a nso?

Kiet ke otu akpan etop Bible edi nte ke Abasi aduak eti n̄kpọ ọnọ ubonowo. Bible etịn̄ nte owo ọkọduọkde paradise emi Abasi ọkọnọde enye ye nte Abasi edifiakde inọ nnyịn Paradise.Ediyarade 21:4, 5.

Bible esịne ibet ye item. Enye n̄ko etịn̄ nte Abasi ekesinamde n̄kpọ ye mme owo, ndien emi anam ifiọk orụk Owo emi Abasi edide. Ntre, Bible ekeme ndinam fi ọfiọk Abasi. Enye etịn̄ nte ekemede ndidi ufan Abasi.Kot Psalm 19:7, 11; James 2:23; 4:8.

4. Nso ke akpanam man Bible an̄wan̄a fi?

Ediye uduot ekpri n̄wed emi ekeme ndinam Bible an̄wan̄a fi. Ẹda ukem usụn̄ oro Jesus ekesidade ekpep owo n̄kpọ ẹwet enye. Jesus ama esikot nsio nsio itie ke N̄wed Abasi onyụn̄ anam “mmọ ẹfiọk se N̄wed Abasi ọwọrọde.”Kot Luke 24:27, 45.

Iwakke se inemde nte eti mbụk emi otode Abasi. Edi idịghe kpukpru owo ẹma eti mbụk emi, enye esikam ayayat ndusụk owo. Kûyak emi anam idem emem fi. Edieke oyomde ndinyene nsinsi uwem, ana ọfiọk Abasi.Kot John 17:3.

 

^ ikp. 3 Se N̄wed Ofụri Owo.

Kpep N̄kpọ En̄wen

Nnyịn Isan̄a Didie Ifiọk ke Se Ẹwetde ke Bible Enen?

Edieke edide Abasi enyene Bible, ọwọrọ idụhe n̄wed ndomokiet emi ekpebietde Bible.