Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Eti Mbụk Emi Otode Abasi!

 UKPEPN̄KPỌ 11

Didie ke Mme Edumbet Bible Ẹn̄wam Nnyịn?

Didie ke Mme Edumbet Bible Ẹn̄wam Nnyịn?

1. Ntak emi iyomde ndausụn̄?

Didie ke mme edumbet Bible ẹsinam ifep ndinam se ikemede ndinọ nnyịn unan m̀mê se ikemede ndida nnyịn ibuot?PSALM 36:9.

Andibot nnyịn ọfiọk n̄kpọ akan kpukpru nnyịn. Enye enen̄ede ama nnyịn sia enye edide edima Ete. N̄ko, enye ikobotke nnyịn ndida ke idem. (Jeremiah 10:23) Ukem nte anade ekpri eyen ayak ete ye eka esie ẹnọ enye ndausụn̄, ukem oro ke ana kpukpru nnyịn isan̄a ke ndausụn̄ Abasi. (Isaiah 48:17, 18) Bible etịn̄ nte Abasi oyomde idu uwem.Kot 2 Timothy 3:16.

Mme ibet ye item emi Jehovah ọnọde nnyịn ẹkpep nnyịn ndidu ata eti uwem idahaemi ẹnyụn̄ ẹwụt nnyịn se ikpanamde man idu uwem ke nsinsi. Enen̄ede ọfọn itiene ndausụn̄ Abasi sia edide enye okobot nnyịn.Kot Psalm 19:7, 11; Ediyarade 4:11.

2. Nso idi item Bible?

Item Bible edi akpanikọ emi Bible ekpepde nnyịn man idiọn̄ọ se ikpanamde. Enye itiehe nte ibet, emi esidọhọde owo nam emi, kûnam oko. (Deuteronomy 22:8) Ke ini iyomde ndinam n̄kpọ, ana itie ikere item Bible emi ekemede ndin̄wam nnyịn idiọn̄ọ m̀mê se iyomde ndinam oro ọfọn. (Mme N̄ke 2:10-12) Ke uwụtn̄kpọ, Bible ekpep ke uwem edi enọ Abasi. Emi anam nnyịn idiọn̄ọ nte idude uwem ke itieutom, ke ufọk, ye ke ini ikade isan̄. Emi n̄ko isiyakke nnyịn inam n̄kpọ emi ekemede ndinọ nnyịn unan m̀mê n̄kpọ emi ekemede ndida nnyịn ibuot.Kot Utom 17:28.

3. Ewe edi akakan item?

Jesus ama asiak akpan item iba emi akande kpukpru  item. Akpa item emi enye akasiakde anam nnyịn idiọn̄ọ ata akpan n̄kpọ emi ikpanamde, oro edi, ndifiọk Abasi, ndima enye, nnyụn̄ nnam n̄kpọ esie ke ofụri esịt. Akpana iti item emi ke se ededi oro iyomde ndimam. (Mme N̄ke 3:6) Mbon emi ẹnamde emi ẹsikop ata inemesịt, ẹdi ufan Abasi, ẹyenyụn̄ ẹnyene nsinsi uwem.Kot Matthew 22:36-38.

Ọyọhọ item iba esinam nnyịn idiọn̄ọ nte ikpodude uwem ke emem ye mme owo. (1 Corinth 13:4-7) Ndida ọyọhọ item iba emi ndu uwem ọwọrọ ke nnyịn idinam n̄kpọ ye mme owo nte Abasi akpanamde.Kot Matthew 7:12; 22:39, 40.

4. Didie ke item Bible an̄wam nnyịn?

Ndinam item Bible esinam ubon ẹdiana kiet ke ima. (Colossae 3:12-14) Ikọ Abasi ekpeme ubon sia enye ekpep mmọ nte ke ndọ edi nsinsi n̄kpọ.Kot Genesis 2:24.

Ndinam se Bible ekpepde esifọn ye nnyịn ke kpukpru usụn̄. Mme owo ẹsima mbon emi ẹdade item Bible ẹdu uwem. Ke uwụtn̄kpọ, mme eteutom ẹsima mbon emi ẹtịn̄de akpanikọ ẹnyụn̄ ẹsịnde idem ẹnam utom. (Mme N̄ke 10:4, 26; Mme Hebrew 13:18) Ikọ Abasi ekpep nnyịn n̄ko ete iyụhọ ye se inyenede inyụn̄ ima Abasi ikan inyene.Kot Matthew 6:24, 25, 33; 1 Timothy 6:8-10.

Ndida item Bible ndu uwem anam ikop nsọn̄idem. (Mme N̄ke 14:30; 22:24, 25) Ke uwụtn̄kpọ, ndinam ibet Abasi emi ọdọhọde ikûkpa mmịn iyakke nnyịn idọn̄ọ idiọk udọn̄ọ m̀mê ndida unan. (Mme N̄ke 23:20) Jehovah enyịme in̄wọn̄ mmịn ke ufat. (Psalm 104:15; 1 Corinth 6:10) Item Bible esinam nnyịn ikpeme se inamde ye se ikerede. (Psalm 119:97-100) Edi idịghe emi edi akpan ntak emi anamde mme Christian ẹda item Bible ẹdu uwem. Mmọ ẹnam emi man ẹkpono Jehovah.Kot Matthew 5:14-16.

 

Kpep N̄kpọ En̄wen

Nso ke Bible Enen̄ede Ekpep?

Ndidu Uwem Oro Enemde Abasi Esịt

Nso ke Bible Enen̄ede Ekpep?

Nte Abasi Esede Uwem

ABAN̄A NNYỊN

N̄kpama Ẹdikpep Mi Bible

N̄kpama ẹdikpep mi Bible ke mfọn ke ebiet ye ini eke mmade.