Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Eti Mbụk Emi Otode Abasi!

 UKPEPN̄KPỌ 12

Didie ke Afo Ekeme Ndisan̄a N̄kpere Abasi?

Didie ke Afo Ekeme Ndisan̄a N̄kpere Abasi?

1. Ndi Abasi esikop kpukpru akam?

Jehovah oyom kpukpru owo ẹbọn̄ akam ẹnọ imọ man ẹsan̄a ẹkpere imọ. (Psalm 65:2) Edi idịghe kpukpru akam ke enye esikop. Ke uwụtn̄kpọ, Abasi isikopke akam owo emi ofiomode n̄wan esie. (1 Peter 3:7) Ke ini nditọ Israel ẹkekọbọde ke ndinam idiọkn̄kpọ, Abasi ikokopke akam mmọ. Omokụt do ke akam idịghe n̄kpọ emi ẹkpedade didie didie. Edi, Abasi esikop akam mme idiọkowo emi ẹkabarede esịt.Kot Isaiah 1:15; 55:7.

2. Didie ke ikpọbọn̄ akam?

Ikpenyene ndibọn̄ akam nnọ Jehovah Abasi ikpọn̄-ikpọn̄ sia akam edide kiet ke otu usụn̄ emi idade ituak ibuot inọ enye. (Matthew 4:10; 6:9) Sia nnyịn idide mme anana-mfọnmma owo, nnyịn ikpenyene ndibọn̄ akam ke enyịn̄ Jesus koro enye akakpade ọnọ nnyịn. (John 14:6) Jehovah iyomke nnyịn imomụm akam idọn̄ ke ibuot isikama itịn̄ ifiak itịn̄ mîdịghe iwewet akam. Edi enye oyom akam nnyịn oto nnyịn esịt.Kot Matthew 6:7; Philippi 4:6, 7.

Andibot esikop akam emi ẹbọn̄de ke esịt. (1 Samuel 1:12, 13) Enye ọdọhọ ibọn̄ akam kpukpru ini, utọ nte ini emi iyomde ndidụk idap, ke ini idemerede, ke ini udia, ye ke mme ini afanikọn̄.Kot Psalm 55:22; Matthew 15:36.

3. Ntak emi mme Christian ẹsisopde idem?

Imemke utom ndisan̄a n̄kpere Abasi sia nnyịn idu ke otu mbon emi mîbuọtke idem ye enye, mînyụn̄ inịmke ke enye ayanam emem odu ke isọn̄ emi nte enye ọkọn̄wọn̄ọde.  (2 Timothy 3:1, 4; 2 Peter 3:3, 13) Ntre oyom isisop idem ye nditọete nnyịn sia emi ayanam isịn udọn̄ inọ kiet eken.Kot Mme Hebrew 10:24, 25.

Ndinam ufan ye mbon emi ẹmade Abasi ayanam ikeme ndisan̄a n̄kpere Abasi. Edieke esidụkde mbono esop Mme Ntiense Jehovah, mbuọtidem mmọ ekeme ndisọn̄ọ fi idem.Kot Rome 1:11, 12.

4. Didie ke afo ekeme ndisan̄a n̄kpere Abasi?

Afo emekeme ndisan̄a n̄kpere Jehovah edieke esitiede ekere se ekpepde ke Bible. Bọn̄ akam tie kere mme n̄kpọ emi enye anamde, kere item emi enye ọnọde ye mme un̄wọn̄ọ esie. Emi ayanam inen̄ede iwụt esịtekọm iban̄a ima ye ọniọn̄ Abasi.Kot Joshua 1:8; Psalm 1:1-3.

Afo emekeme n̄ko ndisan̄a n̄kpere Abasi edieke ọbuọtde idem ye enye. Edi ana afo aka iso ọsọn̄ọ mbuọtidem fo ke nditie n̄kere se inamde enịm se ekpepde ke akpanikọ.Kot Matthew 4:4; Mme Hebrew 11:1, 6.

5. Nso ufọn ke edidia edieke asan̄ade ekpere Abasi?

Jehovah esikpeme mbon oro ẹmade enye. Enye esikpeme mmọ osio ke n̄kpọ ekededi emi akpabiatde mbuọtidem mmọ, mîkponyụn̄ iyakke mmọ ẹdu uwem ke nsinsi. (Psalm 91:1, 2, 7-10) Enye odụri nnyịn utọn̄ ete ikûdu utọ uwem emi ekemede ndinam ikûkop inemesịt ikûnyụn̄ ukop nsọn̄idem. Orụk uwem emi Jehovah ekpepde nnyịn ndidu ọfọn akan.Kot Psalm 73:27, 28; James 4:4, 8.

 

Kpep N̄kpọ En̄wen

Ntak Emi Ekpekpepde Bible?

Bible anam ediwak miliọn owo ke ofụri ererimbot ẹfiọk ibọrọ mbụme emi afịnade ata ediwak owo. Ndi akpama nditiene mfiọk?