Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Nso ke Bible Enen̄ede Ekpep?

SE ẸWETDE ẸDIAN

Nte Jesus Akamana ke December?

Nte Jesus Akamana ke December?

BIBLE isianke nnyịn ini emi Jesus akamanade. Nte ededi, enye ọnọ nnyịn eti ntak ndibiere nte ke enye ikamanake ke December.

Kere ban̄a nte mme idaha eyo ẹsitiede ini oro ke isua ke Bethlehem emi Jesus akamanade.

Ọfiọn̄ mme Jew oro Chislev (emi asan̄ade ekekem ye November/December) ekedi ọfiọn̄ etuep ye edịm. Ọfiọn̄ emi etienede ekedi Tebeth (December/January). Enye ekebịt akan ke isua, snow ama esiduọ ndusụk ini ofụk obot. Ẹyak ise se Bible asiande nnyịn aban̄a idaha eyo ke ikpehe n̄kan̄ oro.

Ezra andiwet Bible owụt ke ẹma ẹnen̄ede ẹdiọn̄ọ Chislev nte ọfiọn̄ etuep ye edịm. Ke Ezra ama ọkọdọhọ nte ke otuowo ama osop idem ke Jerusalem ke “ọyọhọ ọfiọn̄ usụkkiet [Chislev], ye ọyọhọ usenọfiọn̄ edịp,” enye obụk ete ke mme owo ẹma “ẹnyek idem ẹban̄a…akwa edịm.” Kaban̄a nte idaha eyo eketiede ke ini oro ke isua, mbon oro ẹkesopde idem ẹkekam ẹdọhọ ete: “Emi onyụn̄ edi ini ukwọ, owo inyụn̄ ikwe nte adade ke esien.” (Ezra 10:9, 13; Jeremiah 36:22) Eyịghe idụhe mme ekpemerọn̄ emi ẹkedụn̄de ke ikpehe n̄kan̄ ererimbot oro ye mme otuerọn̄ mîkodụhe ke an̄wa ke okoneyo ke ini December!

Mme ekpemerọn̄ ye erọn̄ mmọ

Ke ini Jesus akamanade, mme ekpemerọn̄ ẹkedu ke in̄wan̄ ke okoneyo ye otuerọn̄ mmọ

Nte ededi, Bible ọdọhọ ete ke mme ekpemerọn̄ ẹkedu ke in̄wan̄ ẹkpeme otuerọn̄ ke okoneyo oro Jesus akamanade. Ke akpanikọ, Luke andiwet Bible ewet ete ke ini oro, mme ekpemerọn̄ “[ẹkedụn̄ọ] ke an̄wa ẹkpeme otuerọn̄ mmọ ke okoneyo,” ekpere Bethlehem. (Luke 2:8-12) Tịm fiọk ete ke mme ekpemerọn̄ ẹkedodụn̄̄ọ ke an̄wa, ikam isan̄ake-san̄a ikpeme mme erọn̄ ke uwemeyo. Otuerọn̄ mmọ ẹkedu ke in̄wan̄ ke okoneyo. Ndi mme ekpemerọn̄ ẹkpekekeme ndidụn̄ ke an̄wa ke ini etuep ye edịm Bethlehem emi ke December? Baba, ikpekemeke. Ntem mme n̄kpọ emi ẹketịbede ke ini Jesus akamanade ẹwụt ke enye ikamanake ke December.*

Ikọ Abasi asian nnyịn nnennen ini emi Jesus akakpade, edi ọnọ esisịt ndausụn̄ ndiwụt nnennen ini emi enye akamanade. Emi anam nnyịn iti mme ikọ edidem Solomon emi: “Eti enyịn̄ ọfọn akan eti aran; kpa ntre ke usen n̄kpa owo akan usen emana owo.” (Ecclesiastes 7:1) Idịghe n̄kpọ n̄kpaidem, ndien, nte ke Bible etịn̄ ediwak n̄kpọ aban̄a utom ye n̄kpa Jesus edi etịn̄ n̄kpọ ifan̄ kpọt aban̄a ini emi enye akamanade.


*  Kaban̄a ntọt efen efen, se page 176-179 ke Reasoning From the Scriptures, emi Mme Ntiense Jehovah ẹsiode.

← Se ibuot n̄wed oro etịn̄de aban̄a

Kpep N̄kpọ En̄wen

Ntak Emi Mme Ntiense Jehovah Mîsidiaha Christmas?

Ediwak owo ẹsidia Christmas kpa ye oro ẹfiọkde nte enye ọkọtọn̄ọde. Yom ntak emi Mme Ntiense Jehovah mîsidiaha.