Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 115: Obufa Paradise ke Isọn̄

Mbụk 115: Obufa Paradise ke Isọn̄

SESE nyan eto oro, ndiye frawa ye mme edikon̄ ikpo obot. Nte ebiet emi iyehe? Sese nte oso adiade n̄kpọ ke ubọk ekpri eyeneren oro. Ndien sese mme lion ye mme horse ẹdade ko ke awawa mbiet. Nte ukpamaha ndidụn̄ ke ufọk ke utọ itie emi?

Abasi oyom afo odu uwem nsinsi ke paradise. Ndien enye iyomke fi enyene mfiomo ye ubiak oro mme owo ẹnyenede mfịn. Emi edi un̄wọn̄ọ Bible ọnọ mmọ oro ẹdidụn̄de ke obufa paradise: ‘Abasi eyedu ye mmọ. N̄kpa, mme ntuan̄a, mme ubiak ididụhe aba. N̄kani n̄kpọ ẹmebe efep.’

Jesus eyekụt ete ke ndyọndyọ ukpụhọde emi ẹtịbe. Nte ọmọfiọk ini? Ih, ke enye ama akanam isọn̄ asana ọbọhọ kpukpru idiọk ido ye mme idiọk owo. Ti, ke Jesus okodude ke isọn̄, enye ama ọkọk mme owo kpukpru orụk udọn̄ọ, n̄ko enye ama anam idem mme owo eset ke n̄kpa. Jesus akanam emi ndiwụt se enye edinamde ke ofụri isọn̄ ke ini enye akabarede edi Edidem obio ubọn̄ Abasi.

Kam kere nte edidide utịbe n̄kpọ ke obufa paradise ke isọn̄! Jesus, ye ndusụk mmọ oro enye emekde, ẹyekara ke heaven. Mme andikara emi ẹyese ẹban̄a kpukpru owo ke isọn̄ ẹnyụn̄ ẹkụt ẹte mmọ ẹkop inemesịt. Yak ise se anade nnyịn inam ndikụt nte Abasi eyenọ nnyịn nsinsi uwem ke obufa paradise esie.

Eriyarare 21:3, 4; 5:9, 10; 14:1-3.

Ndise paradise


Mme Mbụme

  • Mme idaha ewe ke Bible owụt nte nnyịn ididarade ke Paradise isọn̄?
  • Nso ke Bible ọn̄wọn̄ọ ọnọ mbon oro ẹdidụn̄de ke Paradise?
  • Ini ewe ke Jesus edikụt ete ke ndyọ ndyọ ukpụhọde emi etịbe?
  • Ke ini Jesus okodude ke isọn̄, nso ke enye akanam ndiwụt se imọ idinamde nte Edidem Obio Ubọn̄ Abasi?
  • Nso ke Jesus ye nsan̄a mme andikara esie ke heaven ẹdinam ke ini mmọ ẹkarade isọn̄?

Mme mbụme efen

Kpep N̄kpọ En̄wen

Nso ke Obio Ubọn̄ Abasi Edinam?

Se se ukara Abasi edinamde ke ererimbot.