Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 99: Ke Ubet Ufọk Enyọn̄

Mbụk 99: Ke Ubet Ufọk Enyọn̄

EDI okoneyo Thursday idahaemi ke usen iba ẹbede. Jesus ye mme apostle esie 12 ẹdi mi ke akwa ubet ufọk enyọn̄ emi ndidia udia Passover. Owo oro afo okụtde nte ọkpọn̄de edi Judas Is·car′i·ot. Enye aka ndisian mme oku usụn̄ nte mmọ ẹkemede ndimụm Jesus.

Udia mbubreyo ọbọn̄

Usen kiet kpọt ke mbemiso, Judas ama etiene mmọ okobụp: ‘Nso ke mbufo ẹdinọ mi edieke n̄n̄wamde mbufo ẹmụm Jesus?’ Mmọ ẹma ẹbọrọ: ‘Okụk silver edịp ye duop.’ Ntre Judas aka ndisịm mme owo emi man enye ekeme ndida mmọ mbịne Jesus. Nte oro idịghe n̄kpọ ndịk?

Udia Passover okụre. Edi Jesus afiak ọtọn̄ọ ata akpan udia efen. Enye ayak ebok uyo kiet ọnọ mme apostle esie onyụn̄ ọdọhọ: ‘Ẹta enye, koro emi ọwọrọ idem mi oro ẹdinọde ke ntak mbufo.’ Ndien enye ọnọ mmọ akrasi wine kiet onyụn̄ ọdọhọ: ‘Ẹn̄wọn̄ enye, koro emi ọwọrọ iyịp mi, oro ẹdiduọkde ke ntak mbufo.’ Bible okot emi ‘Udia Mbubreyo Ọbọn̄.’

Mbon Israel ẹkedia Passover nditi mmọ ini oro angel Abasi ekebede ọkpọn̄ mme ufọk mmọ ke Egypt, edi okowot mme akpan ke ufọk mbon Egypt. Edi idahaemi, Jesus oyom mme anditiene enye eti enye, ye nte enye ọkọnọde uwem esie ke ntak mmọ. Ndien ntak edi oro enye ọdọhọde mmọ ẹkaiso ẹnam usọrọ akpan udia emi kpukpru isua.

Ke ẹma ẹkedia Udia Mbubreyo Ọbọn̄ ẹma, Jesus ọdọhọ mme apostle esie ẹnyene uko ẹnyụn̄ ẹsọn̄ọ ẹda ke mbuọtidem. Ke utịt, mmọ ẹkwọ ikwọ ẹnọ Abasi ndien ẹnyọn̄. Eyo otịm okụt ke emi, ekeme ndidi ebe ufọt okoneyo. Yak nnyịn ise ebiet mmọ ẹkade.

Matthew 26:14-30; Luke 22:1-39; John mme ibuot 13 to 17; 1 N̄wed Corinth 11:20.



Mme Mbụme

  • Nte ẹwụtde ke ndise emi, ntak emi Jesus ye mme apostle esie 12 ẹdude ke akwa ubet ufọk enyọn̄?
  • Anie edi owo oro ọkpọn̄de mi, ndien nso ke enye aka ndinam?
  • Nso akpan udia ke Jesus ọtọn̄ọ ke ẹma ẹkedia Passover ẹma?
  • Nso n̄kpọntịbe ke Passover eketi nditọ Israel, ndien nso ke akpan udia emi esiti mme anditiene Jesus?
  • Ke ẹma ẹkedia Udia Mbubịteyo Ọbọn̄ ẹma, nso ke Jesus etịn̄ ye mme mbet esie, ndien nso ke mmọ ẹnam?

Mme mbụme efen

Kpep N̄kpọ En̄wen

JESUS EDI USỤN̄ YE AKPANIKỌ YE UWEM

Udia Mbubreyo Ọbọn̄

Jesus ọtọn̄ọ Editi emi mme mbet esie ẹdisinịmde kpukpru isua ke Nisan 14.