Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 97: Jesus Edi nte Edidem

Mbụk 97: Jesus Edi nte Edidem

ESISỊT ini nte Jesus ọkọkọk mme nnan eben̄e iba oro, Jesus edisịm ekpri obio ekperede Jerusalem. Enye ọdọhọ iba ke otu mbet esie: ‘Ẹka ke esịt obio oro ndien mbufo eyekụt ekpri ass. Ẹtat enye ẹsọk mi.’

Ke ini edade ass oro ẹsọk enye, Jesus etie ke enye. Ndien enye awat aka Jerusalem oro miyomke usụn̄. Ke ini enye ekperede obio oro, akwa otu owo ẹdisobo enye ke usụn̄. Mmọ eken ẹsịbe mme ndak eyop. Mmọ ẹbon emi ke usụn̄ n̄ko, ndien mmọ ẹfiori: ‘Abasi ọdiọn̄ edidem emi edide ke enyịn̄ Jehovah!’

Mme owo ẹdara Jesus

Anyan ini ko ke Israel, mbufa ndidem ẹkesiwat ke eyen ass ẹdụk Jerusalem man ẹwụt mme owo idem mmọ. Emi edi se Jesus anamde. Ndien mme owo emi ke ẹwụt nte iyom Jesus edi edidem mmimọ. Edi idịghe kpukpru owo ẹyom enye. Nnyịn imekeme ndikụt emi oto se itịbede ke Jesus akade temple.

Ke temple, Jesus ọkọk mme owo oro ẹdide nnan ye mbụn̄ọ. Ke n̄kpri nditọ ẹkụtde emi, mmọ ẹfiori itoro ẹnọ Jesus. Edi emi anam mme oku ẹyat esịt, ndien mmọ ẹdọhọ Jesus: ‘Nte afo omokop se n̄kpri nditọ ẹtịn̄de?’

Jesus ọbọrọ, ‘Ih, mmokop, Nte akanam mbufo ikotke ke Bible ke ebiet oro ọdọhọde: “Oto inua n̄kpri nditọ Abasi eyesio itoro?”’ Ntre n̄kpri nditọ oro ẹkaiso ẹtoro edidem Abasi.

Nnyịn iyom ndibiet n̄kpri nditọ oro, nte iyomke. Ndusụk owo ẹkeme ndidomo ndikpan nnyịn nditịn̄ mban̄a obio ubọn̄ Abasi. Edi nnyịn iyekaiso nditịn̄ nnọ mmọ efen mban̄a mme utịbe n̄kpọ oro Jesus edinamde ọnọ mme owo.

Ini ikekemke Jesus nditọn̄ọ ndikara nte edidem ke ini enye okodude ke isọn̄. Ini ewe ke ini emi edidi? Mme mbet Jesus ẹyom ndidiọn̄ọ. Nnyịn iyekot iban̄a emi ke ibuot n̄wed etienede.

Matthew 21:1-17; John 12:12-16.



Mme Mbụme

  • Ke ini Jesus esịmde ekpri obio emi ekperede Jerusalem, nso ke enye ọdọhọ mbet esie ẹnam?
  • Ke ndise emi, nso itịbe ke ini Jesus asan̄ade ekpere Jerusalem?
  • Nso ke n̄kpri nditọ ẹnam ke ini mmọ ẹkụtde nte Jesus ọkọkde mme owo oro ẹdide nnan ye mbụn̄ọ?
  • Nso ke Jesus etịn̄ ọnọ mme oku emi ẹyatde esịt?
  • Didie ke nnyịn ikeme ndibiet n̄kpri nditọ oro ẹketorode Jesus?
  • Nso ke mme mbet ẹyom ndidiọn̄ọ?

Mme mbụme efen

Kpep N̄kpọ En̄wen

Edidem Awat Eyen Ass Odụk Jerusalem

Enye osu prọfesi emi ẹkewetde isua ikie ition ke edem.