Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 95: Usụn̄ Nte Jesus Ọnọde Ukpep

Mbụk 95: Usụn̄ Nte Jesus Ọnọde Ukpep

USEN kiet, Jesus ọdọhọ owo kiet ete enye ekpenyene ndima mbọhọidụn̄ esie.

Owo oro obụp Jesus: ‘Anie edi mbọhọidụn̄ mi?’ Ọfọn, Jesus ọfiọk se owo emi ekerede. Owo oro ekere ete kpasụk mbon orụk esie ye ido ukpono edi mme mbọhọidụn̄ esie. Ntre yak ise se Jesus ọdọhọde enye.

Ndusụk ini Jesus ọnọ ukpep ke ndinọ mbụk. Ntem ke enye anam ke emi. Enye ọnọ mbụk aban̄a owo Jew ye owo Sa·mar′i·a. Nnyịn ima ikpekpep ite ke ekese mme Jew imaha mbon Sa·mar′i·a. Ọfọn, mbụk Jesus edi emi:

Usen kiet owo Jew kiet ama odu ọsụhọrede ke usụn̄ obot aka Jer′i·cho. Edi mbon n̄wo ẹwọrọ ẹmụm enye. Mmọ ẹbọ okụk esie ẹnyụn̄ ẹmia enye tutu ekpere n̄kpa.

Ekem, oku Jew edi ke usụn̄ oro. Enye ama okụt owo oro ẹkemiade. Afo ekere ete enye akanam nso? Kam se, enye osịbe usụn̄ ebe n̄kan̄ eken ọnyọn̄ esie. Ekem, ata owo ido ukpono efen edi. Enye ekedi Levite. Nte enye ama ebet? Baba, enye ikebetke ndin̄wam owo emi ekemiade n̄ko. Afo emekeme ndikụt oku oro ye Levite ke anyan usụn̄ ko.

Owo Samaria emi ekedide mbọhọidụn̄

Edi se owo oro odude mi ye owo ekemiade. Enye edi owo Sa·mar′i·a. Ndien enye ke an̄wam owo Jew oro. Enye ke odori ibọk ke mme unan esie. Ekem, Enye emen owo Jew aka ebiet enye ekemede ndiduọk odudu nnyụn̄ n̄kop nsọn̄idem.

Ke ama okokụre mbụk emi, Jesus ọdọhọ owo oro okobụpde enye mbụme ete: ‘Ewe ke otu mbita emi ke afo ekere nte akanamde nte mbọhọidụn̄ owo oro ẹkemiade? Ndi oku, Levite, mme owo Sa·mar′i·a?’

Owo oro ọbọrọ: ‘Owo Sa·mar′i·a. Enye ama ọfọn ido ye owo oro ẹkemiade.’

Jesus ete: ‘Afo emenen. Ntre ka kanam nte enye akanamde ye mbon efen.’

Luke 10:25-37.



Mme Mbụme

  • Ewe mbụme ke owo kiet okobụp Jesus, ndien ntak-a?
  • Nso ke Jesus esida ọnọ ukpep ndusụk ini, ndien nso ke nnyịn ikpekpep iban̄a mme Jew ye mbon Samaria?
  • Ke mbụk oro Jesus okobụkde, nso itịbe inọ owo Jew kiet emi akade isan̄ ke Jericho?
  • Nso itịbe ke ini oku Jew ye Levite ẹdide ẹdibe ke usụn̄ oro?
  • Ke ndise emi, anie an̄wam owo Jew oro ẹmiade mi?
  • Ke ama okokụre mbụk emi, nso mbụme ke Jesus obụp, ndien didie ke owo oro ọbọrọ?

Mme mbụme efen

Kpep N̄kpọ En̄wen

Owo Samaria Owụt ke Imọ Idi Ata Mbọhọidụn̄

Didie ke Jesus ada mbụk owo Samaria emi ekedide eti mbọhọidụn̄, m̀mê se ẹsikotde mbụk “eti owo Samaria,” ekpep mme owo ata akpan n̄kpọ?

Eyen Emi Okosopde Ọnyọn̄ Edi

Nso ke uwụtn̄kpọ Jesus aban̄ade idiọk udọ ekpep nnyịn?