Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 91: Jesus Ọnọ Ukpep ke Obot

Mbụk 91: Jesus Ọnọ Ukpep ke Obot

SESE Jesus etiede mi. Enye ke ekpep kpukpru owo ẹmi ke obot Gal′i·lee. Mmọ oro ẹtiede ẹkpere enye ẹkan ẹdi mme mbet esie. Enye ama emek 12 ke otu mmọ ẹdi mme apostle. Mme apostle ẹdi mme akpan mbet Jesus. Nte ọmọfiọk enyịn̄ mmọ?

Jesus ke ekpep n̄kpọ

Simon Peter ye eyeneka esie Andrew ẹdu. Ndien James ye John ẹdu oro ẹdide nditọ eka n̄ko. Ẹkot apostle efen James n̄ko, ndien ẹkot efen Simon n̄ko. Ẹkot apostle iba Judas. Kiet edi Judas Is·car′i·ot, ndien ẹkot Judas eken ke enyịn̄ oro Thad·dae′us. Ndien Philip ye Na·than′a·el (ẹkotde n̄ko Bar·thol′o·mew), ye Matthew ye Thomas ẹdu.

Ke ama okoto Samaria edi, Jesus ọtọn̄ọ ndikwọrọ ke akpa ini: ‘Obio ubọn̄ heaven ke ekpere.’ Nte ọmọfiọk se obio ubọn̄ oro edide? Enye edi ata ukara eke Abasi. Jesus edi edidem esie. Enye eyekara oto heaven onyụn̄ ada emem ọsọk isọn̄. Obio ubọn̄ Abasi eyenam ofụri isọn̄ edi ediye paradise.

Jesus mi ke ekpep mme owo aban̄a obio ubọn̄ emi. ‘Mbufo ẹkpebọn̄ akam ntem,’ ‘Ete nnyịn emi odude ke heaven, yak ẹkpono enyịn̄ fo. Yak obio ubọn̄ fo edi. Yak ẹnam uduak fo ke isọn̄ nte ẹnamde ke heaven.’ Ediwak owo ẹkot emi ‘Akam Ọbọn̄.’ Mmọ eken ẹkot enye ‘Ete Nnyin.’ Nte afo emekeme nditịn̄ ofụri akam oro?

Jesus n̄ko ke ekpep mme owo nte mmọ ẹkpenamde n̄kpọ ye kiet eken. Enye ọdọhọ, ‘Nam nnọ mmọ efen se afo oyomde mmọ ẹnam ẹnọ fi.’ Nte afo umaha ke ini mme owo ẹnamde n̄kpọ ye afo ke mbọm? Ntre Jesus ke ọdọhọ, nnyịn inyene ndinam n̄kpọ ye mmọ efen ke mfọnido. Nte emi ididịghe n̄kpọ n̄kpaidem ọfọnde ke ini kpukpru owo ẹdinamde emi ke paradise isọn̄?

Matthew Ibuot 5 osim 7; 10:1-4.



Mme Mbụme

  • Ke ndise emi, m̀mọ̀n̄ ke Jesus etie ekpep n̄kpọ, ndien mmanie ẹtie ẹkpere enye ẹkan?
  • Nso idi enyịn̄ mme apostle 12 oro?
  • Nso idi Obio Ubọn̄ emi Jesus ọkwọrọde aban̄a?
  • Nso ke Jesus ekpep mme owo ndibọn̄ akam mben̄e?
  • Jesus ọdọhọ ke mme owo ẹkpenam n̄kpọ didie ye kiet eken?

Mme mbụme efen

Kpep N̄kpọ En̄wen

Ọwọrọetop Ukwọrọikọ ke Obot

Kop nte ẹnamde mme akpan n̄kpọ ke ukwọrọikọ Jesus an̄wan̄a.

Jesus Owụt nte Ikpokopde Inem Uwem

Mbon emi ẹnamde item Jesus ẹkop inem uwem, ndien emi owụt ke se Jesus ekekpepde ke Obot ekeme ndinam owo okop inem uwem.