Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 88: John Onịm Jesus Baptism

Mbụk 88: John Onịm Jesus Baptism

SESE ibiom edidorode ke ibuot eren oro. Eren oro edi Jesus. Enye ke emi ekpere ndidi isua 30. Ndien eren oro ye enye edi John. Nnyịn ima ikpekpep iban̄a enye. Nte emeti ini Mary akakade ndise Elizabeth iman esie, ndien nsekeyen ke idibi Elizabeth ọkọfrọ ke idara? Nsekeyen oro mimanake kan̄a ekedi John. Edi nso ke John ye Jesus ẹnam ke emi?

Baptism Jesus

Ibịghike nte John okobụk Jesus ke mmọn̄ Akpa Jordan. Ntem ke ẹnịm owo baptism. Akpa, ẹbụk enye ke idak mmọn̄, ndien ẹfiak ẹmenede ẹsio. Koro John anamde mme owo emi, ẹkot enye John Baptist. Edi ntak John onịmde Jesus baptism?

Ọfọn, John akanam koro Jesus ekedi ediben̄e John onịm imọ baptism. John onịm mme owo oro ẹyomde ndiwụt nte imokop mbọm ke mme idiọkn̄kpọ mmọ ẹkenamde, baptism. Edi nte akanam Jesus anam n̄kpọ ndikop mbọm mban̄a? Baba, Jesus akanam inamke, koro enye edi Eyen Abasi otode heaven. Ntre enye ama ọdọhọ John onịm imọ baptism ke isio ntak. Yak ise se ntak oro ekedide.

Mbemiso Jesus ekedide etiene John mi, enye ekedi anamusọ eto. Anamusọ eto edi andida eto nnam mme n̄kpọ, nte okpokoro, mme akpakaha ye mme bench. Joseph, ebe Mary ekedi anamusọ eto, ndien enye ekekpep Jesus ndidi kiet n̄ko. Edi Jehovah ikọdọn̄ke Eyen esie ke isọn̄ ndidi anamusọ eto. Enye enyene akpan utom ọnọ enye, ndien ini ekem ọnọ Jesus nditọn̄ọ ndinam enye. Ntre man owụt ete imọ imedi ke emi ndinam uduak Ete imọ, Jesus ọdọhọ John onịm imọ baptism. Nte Abasi enem esịt ye emi?

Ih, enye enem, koro, ke Jesus ama ọkọwọrọ ke mmọn̄, uyo ama oto heaven ete: ‘Emi edi Eyen mi, emi nnemde esịt ye enye.’ N̄ko, etie nte mme heaven eberede ndien ibiom emi ọsụhọde odoro Jesus. Edi idịghe ata ibiom. Enye akam ebebiet enye. Enen̄ede edi edisana spirit Abasi.

Ke emi, Jesus enyene ekese ndikere mban̄a, ntre enye aka ndobo ebiet ke usen 40. Do Satan etiene enye. Ikata Satan odomo ndinam Jesus anam n̄kpọ ọbiọn̄ọ ibet Abasi. Edi Jesus idinamke oro.

Ke oro ebede, Jesus afiak okosobo mme owo emi ẹkekabarede ẹdi akpa mme anditiene enye, mme, mme mbet. Enyịn̄ ndusụk mmọ edi Andrew, Peter (ẹkotde n̄ko Simon), Philip ye Na·than′a·el (ẹkotde n̄ko Bar·thol′o·mew). Jesus ye mbufa mbet emi ẹka district Gal′i·lee. Ke Gal′i·lee mmọ ẹbet ke obio emana Na·than′a·el eke Ca′na. Do Jesus aka akamba usọrọ ndọ onyụn̄ anam akpa utịbe n̄kpọ esie. Nte ọmọfiọk se oro edide? Enye anam mmọn̄ akabade wine.

Matthew 3:13-17; 4:1-11; 13:55; Mark 6:3; John 1:29-51; 2:1-12.



Mme Mbụme

  • Owo iba emi ke ndise ẹdi mmanie?
  • Didie ke ẹnịm owo baptism?
  • John esinịm mmanie baptism?
  • Nso akpan ntak anam Jesus ọdọhọ John enịm imọ baptism?
  • Didie ke Abasi owụt ke Imọ imenem esịt nte Jesus anade baptism?
  • Nso itịbe ke ini Jesus akade ndobo ebiet ke usen 40?
  • Mmanie ẹdi ndusụk akpa mme anditiene m̀mê mme mbet Jesus, ndien nso idi akpa utịben̄kpọ esie?

Mme mbụme efen

Kpep N̄kpọ En̄wen

John Andinịm Owo Baptism Ọdiọn̄ Usụn̄

Ke ini mme Pharisee ye Sadducee ẹdide ẹbịne enye, John ọdọhọ ke edinam mmọ ifọnke. Ntak-a?

Jesus Anam Akpa Utịben̄kpọ Esie

Jesus owụt eka esie ke Ete imọ ke heaven enyene ndibiere se imọ inamde, idịghe aba enye.