Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 84: Angel Ekese Mary

Mbụk 84: Angel Ekese Mary

EDIYE n̄wan emi edi Mary. Enye edi n̄wan Israel, emi odụn̄de ke obio Naz′a·reth. Abasi ọfiọk ete enye edi ata eti owo. Oro esịn enye ọdọn̄de angel Ga′bri·el eketịn̄ ikọ ye enye. Nte ọmọfiọk se Ga′bri·el edide ndisian Mary? Yak ise.

Ga′bri·el ete enye, ‘Mmọkọm fi, afo emi enyenede akwa mfọniso.’ ‘Jehovah omodu ye afo.’ Akanam Mary ikwe owo emi. Esịt afịna enye, koro enye ifiọkke se ikọ esie ọwọrọde. Edi ini kiet, Ga′bri·el etre ndịk esie.

Mary

Enye ete, ‘Kufehe ndịk Mary.’ ‘Jehovah otịm ama fi. Oro esịn enye oyom ndinam utịbe n̄kpọ ye afo. Afo eyenyene nsekeyen. Ndien edikot enye Jesus.’

Ga′bri·el akaiso ọdọhọ: ‘Eyen emi eyekpon, ẹyenyụn̄ ẹkot enye Eyen Abasi Ata Edikon̄. Jehovah eyenam enye edidem, kpa nte David. Edi Jesus edidi edidem nsinsi, ndien obio ubọn̄ esie iditreke!’

Mary obụp ete, ‘Ofụri emi editịbe didie?’ ‘N̄kam ndọhọ ndọ kan̄a. Ndụn̄ke ye erenowo, ntre didie ke n̄keme ndinyene nsekeyen?’

Ga′bri·el ọbọrọ ete, ‘Odudu Abasi eyedoro fi. Ntre ẹdikot eyen oro Eyen Abasi.’ Enye ndien ọdọhọ Mary: ‘Ti iman fo Elizabeth. Mme owo ẹkedọhọ ẹte enye ọsọn̄ akan ndinyene nditọ. Edi ibịghike ke emi, enye eyenyene eyeneren. Ntre omokụt, idụhe se Abasi mikemeke ndinam.’

Inikiet, Mary ọdọhọ: ‘Ndi ofụn an̄wan Jehovah! Yak otịbe ọnọ mi kpasụk nte afo ọdọhọde.’ Angel oro ndien ọnyọn̄.

Mary ọsọp aka ndise Elizabeth. Ke Elizabeth okopde uyo Mary, eyen ke idịbi Elizabeth ọfrọ ke idara. Elizabeth ọyọhọ ye spirit Abasi, ndien ọdọhọ Mary ete: ‘Ẹtịm ẹdiọn̄ fi kotu iban.’ Mary etie ye Elizabeth n̄kpọ nte ọfiọn̄ ita, ndien afiak ọnyọn̄ Naz′a·reth.

Mary ọmọn̄ ọdọ owo ekerede Joseph. Edi ke Joseph ọfiọkde ete Mary ọmọn̄ enyene nsekeyen, enye ikereke ite imọ ikpọdọ enye. Do angel Abasi ọdọhọ enye: ‘Kufehe ndịk ndida Mary edi n̄wan fo. Koro edi Abasi ọnọ enye eyeneren.’ Ntre Mary ye Joseph ẹdọ ndọ, ndien mmọ ẹbet Jesus amana.

Luke 1:26-56; Matthew 1:18-25.



Mme Mbụme

  • Anie edi n̄wan oro odude ke ndise emi?
  • Nso ke Gabriel etịn̄ ọnọ Mary?
  • Didie ke Gabriel anam an̄wan̄a Mary nte ke enye eyenyene eyen okposụkedi enye mîkodụn̄ke ye erenowo?
  • Nso itịbe ke ini Mary akade ndise Elizabeth iman esie?
  • Nso ke Joseph ekere ke ini enye ọfiọkde ete Mary ọmọn̄ enyene nsekeyen, edi ntak emi enye okpụhọde ekikere?

Mme mbụme efen

Kpep N̄kpọ En̄wen

Abasi Ọdọn̄ Utom Ọnọ Owo Iba

Angel Gabriel otobo mme owo etop emi ọsọn̄de mmọ ndinịm.

Kad Mbon Bible, Mary

Se ebiet emi Mary ekemende Jesus aka ke ini enye ekedide eyen usen 40. Mịn̄, sịbe nyụn̄ tịm kad Bible emi nịm.

Mary—“Look! Jehovah’s Slave Girl!”

What does Mary’s response to the angel Gabriel reveal about her faith? What other valuable qualities did she display?