Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 80: Ikọt Abasi Ẹkpọn̄ Babylon

Mbụk 80: Ikọt Abasi Ẹkpọn̄ Babylon

ISUA iba ama ekpere ndibe tọn̄ọ nte mbon Media ye Persia ẹkeda Babylon. Ndien se se itibede ke emi! Ih, nditọ Israel ke ẹkpọn̄ Babylon. Mmọ ẹkenam didie ẹbọhọ? Anie akayak mmọ ẹnyọn̄?

Cy′rus, edidem Persia akayak. Anyan ini mbemiso Cy′rus akamana, Jehovah ama anam Isaiah prọfet esie ewet aban̄a enye: ‘Afo eyenam kpasụk se nyomde fi anam. Mme itịm eyeberede ẹnọ fi ada obio.’ Ndien Cy′rus ama ada iso ke ndida Babylon. Mbon Media ye Persia ẹma edidụk obio ke okoneyo ẹto mme itịm oro ẹkẹkpọn̄de in̄wan̄.

Edi Isaiah prọfet Jehovah n̄ko ama ọdọhọ ete ke Cy′rus eyenọ ewụhọ ẹfiak ẹbọp Jerusalem ye temple esie. Nte Cy′rus ama ọnọ ewụhọ emi? Ih, enye ama ọnọ. Ntem ke Cy′rus ọdọhọ nditọ Israel: ‘Eka Jerusalem ke emi, ẹnyụn̄ ẹbọp temple Jehovah, Abasi mbufo.’ Ndien emi ke nditọ Israel ẹka ndikanam.

Nditọ Israel ẹkpọn̄ Babylon

Edi idịghe kpukpru nditọ Israel ke Babylon ẹkeme ndinam anyan isan̄ n̄ka Jerusalem. Edi ata anyan isan̄, n̄kpọ nte itiat 500 (kilometer 800) ndien ekese ẹsọn̄, mme ẹdọn̄ọ ẹkaha ndisan̄a oyom usụn̄ ntre. Ndien mme ntak efen ẹdu oro ndusụk owo mikaha. Edi Cy′rus asian mmọ oro mikaha ete: ‘Ẹnọ mmọ oro ẹkade ndifiak mbọp Jerusalem ye temple esie silver ye gold ye mme enọ efen.’

Ntre ẹnọ nditọ Israel emi ẹkade Jerusalem ediwak enọ. N̄ko, Cy′rus ọnọ mmọ mme usan ye mme cup oro Edidem Neb·u·chad·nez′zar akadade ke temple Jehovah ke ini osobode Jerusalem. Mme owo ẹnyene ekese n̄kpọ ndibiom mfiak.

Ke ema ẹkenam isan̄ ke ọfiọn̄ inan̄, nditọ Israel ekesịm Jerusalem ke nnennen ini. Edi kpasụk isua 70 tọn̄ọ nte ẹkẹsobo obio oro, ndien isọn̄ akana ukpọk ofụri ofụri anana owo. Edi okposụk nte nditọ Israel ẹfiakde ke idụt mmọ ke emi, mmọ ẹyenyene n̄kpọsọn̄ ini, nte nnyịn idifiọkde iban̄a.

Isaiah 44:28; 45:1-4; Ezra 1:1-11.



Mme Mbụme

  • Nte ẹwụtde ke ndise emi, nso ke nditọ Israel ẹnam?
  • Didie ke Cyrus okosu ntịn̄nnịm ikọ emi Jehovah akadade Isaiah etịn̄?
  • Nso ke Cyrus asian nditọ Israel oro mîkemeke ndifiak nnyọn̄ Jerusalem?
  • Nso ke Cyrus ọnọ mme owo ẹda ẹnyọn̄ Jerusalem?
  • Nditọ Israel ẹkesan̄a ọfiọn̄ ifan̄ ẹkesịm Jerusalem?
  • Isua ifan̄ ibe tọn̄ọ nte isọn̄ akana ukpọk ofụri ofụri anana owo?

Mme mbụme efen