Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 78: Ubọkn̄wed Ewetde ke Ibibene

Mbụk 78: Ubọkn̄wed Ewetde ke Ibibene
Ubọk ke ewet n̄kpọ ke ibibene

NSO itịbe mi? Mme owo ẹnyene akwa udia. Edidem Babylon okot mme akpan isen tọsin kiet. Mmọ ke ẹkama mme cup o-gold ye mme usan ẹkedade ẹto temple Jehovah ke Jerusalem. Edi ke mbuari, mme nnuenubọk owo ẹwọrọ ke ofụm ẹtọn̄ọ ndiwet n̄kpọ ke ibibene. Ndịk anam kpukpru owo.

Belshazzar ye isen owo esie

Bel·shaz′zar, eyeyen Neb·u·chad·nez′zar edi edidem idahaemi. Enye ofiori ete ẹda ntaifiọk esie edi. Edidem ọdọhọ ete, ‘Owo ekededi ekemede ndikot n̄wed emi nnyụn̄ nsian mi se ọwọrọde, ẹyenọ enye uwak enọ ẹnyụn̄ ẹnam edi ọyọhọ andikara ita ọwọrọde iso akan ke obio ubọn̄.’ Edi idụhe ataifiọk oro ekemede ndikot n̄wed ke ibibene nnyụn̄ nsiak se enye ọwọrọde.

Eka edidem okop uyom ndien edi ke akwa ufọk udia. Enye asian edidem ete, ‘Mbọk kudịghe.’ ‘Odu owo ke obio ubọn̄ fo emi ọfiọkde ndisana abasi. Ke ete ete fo Neb·u·chad·nez′zar ekedide edidem, akanam enye etubom ofụri ntaifiọk esie. Enye ekere Daniel. Dọn̄ ẹkot enye, ndien enye eyesian fi se ofụri emi ọwọrọde.’

Ntre iwiwa, ẹda Daniel ẹdi. Ke ama ekesịn ndibọ enọ ekededi, Daniel ọtọn̄ọ nditịn̄ ntak Jehovah okosiode Neb·u·chad·nez′zar ete ete Bel·shaz′zar ini kiet efep ke itie edidem. Daniel ete, ‘Enye akatan̄ idem akaha.’ ‘Ndien Jehovah ọkọnọ enye ufen.’

Daniel ọdọhọ Bel·shaz′zar ete, ‘Edi afo ama ọfiọk ofụri se ikosịmde enye, edi ke atan̄ idem nte Neb·u·chad·nez′zar akatan̄de. Afo ama ada mme cup ye mme usan ẹtode temple Jehovah ọn̄wọn̄ n̄kpọ ke mmọ. Afo omotoro mme abasi eto ye itiat, edi afo unọhọ Akwa Andibot nnyịn ukpono. Oro esịn Abasi ọdọn̄ ubọk ewet mme ikọ emi.

Daniel ọdọhọ ete, ‘Emi edi se ewetde’: ‘ME′NE, ME′NE, TE′KEL ye PAR′SIN.’

ME′NE ọwọrọ ete ke Abasi amabat mme usen obio ubọn̄ fo onyụn̄ ada enye osịm utịt. TE′KEL ọwọrọ ete ke ẹdomo fi ke udomo n̄kpọ ẹnyụn̄ ẹkụt ete ufọnke. PAR′SIN ọwọrọ ete ke ẹyak obio ubọn̄ fo ẹnọ mbon Media ye Persia.’

Idem ke Daniel osụk etịn̄de ikọ, mbon Media ye Persia ẹtetọn̄ọ ndin̄wana ye Babylon. Mmọ ẹda obio ẹnyụn̄ ẹwot Bel·shaz′zar. Ubọkn̄wed oro ke ibibene ọwọrọ osu kpa okoneyo oro! Edi nso iditịbe ye mbon Israel ke emi? Iyesọp ifiọk, edi mbemiso, yak ikụt se itịbede inọ Daniel.

Daniel 5:1-31.



Mme Mbụme

  • Nso itịbe ke ini edidem Babylon enyenede akwa udia onyụn̄ akamade mme cup ye usan ẹkedade ẹto temple Jehovah ke Jerusalem?
  • Nso ke Belshazzar ọdọhọ ntaifiọk esie, edi nso ke mmọ mîkemeke ndinam?
  • Nso ke eka edidem ọdọhọ enye anam?
  • Nte Daniel etịn̄de ọnọ edidem, nso isịn Abasi ọdọn̄ ubọk ewet n̄kpọ ke ibibene?
  • Didie ke Daniel anam mme ikọ oro ẹwetde ke ibibene ẹn̄wan̄a?
  • Nso itịbe ke ini Daniel osụk etịn̄de ikọ?

Mme mbụme efen