Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Ikpehe 5: Ntan̄ Mfep ke Babylon tutu Osịm Edifiak Mbọp mme Ibibene Jerusalem

Ikpehe 5: Ntan̄ Mfep ke Babylon tutu Osịm Edifiak Mbọp mme Ibibene Jerusalem

Ke adan̄aemi ẹdude ke ntan̄ mfep ke Babylon, nditọ Israel ẹma ẹnyene ediwak udomo mbuọtidem mmọ. Ẹma ẹtop Sha′drach, Me′shach ye A·bed′ne·go ẹsịn ke ufiop akwa ikan̄, edi Abasi ama ada mmọ ọwọrọ ye uwem. Ekem, ke mme Media ye Persia ẹma ẹkẹkan Babylon, ẹma ẹtop Daniel ẹsịn ke obube lion, edi Abasi n̄ko ama ekpeme enye ke ndikọbi inua mme lion.

Ke akpatre, edidem Cyrus eke Persia ama anam nditọ Israel ẹbọhọ. Mmọ ẹma ẹfiak ẹnyọn̄ obio emana mmọ ke isua 70 osụk ebede nte ẹketan̄ mmọ ẹka Babylon nte mbuot ekọn̄. Kiet ke otu akpa n̄kpọ mmọ ẹkenamde ke ẹfiakde ẹnyọn̄ Jerusalem ekedi nditọn̄ọ ndibọp temple. Nte ededi, mme asua ẹma ẹsọp ẹtre utom mmọ. Ntre ekedi ke n̄kpọ nte isua 22 ẹbede ke mmọ ẹma ẹkefiak ẹnyọn̄ Jerusalem ke ẹkekụre temple oro ke akpatre.

Efen, nnyịn ikpep iban̄a isan̄ Ezra afiakde ọnyọn̄ Jerusalem ndidiọn̄ temple. Emi ekedi n̄kpọ nte isua 47 ebede nte ẹkekụre temple. Ekem, isua 13 ke Ezra ama akanam isan̄, Nehemiah ama an̄wam ndifiak mbọp mme n̄wụre ibibene Jerusalem. Ikpehe ITION okụre mbụk isua 152 tutu osịm ini emi.

Ezra ye mme owo ke ẹbọn̄ akam