Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 74: Owo emi Mîfeheke Ndịk

Mbụk 74: Owo emi Mîfeheke Ndịk

SESE mme owo ẹsakde akparawa emi. Nte ọmọfiọk owo emi enye edide? Emi edi Jeremiah. Enye edi ata akpan prọfet Abasi.

Mme owo ke ẹsak Jeremiah

Ibighịke ke Edidem Jo·si′ah ama ọkọtọn̄ọ ndisobo mme ndem ke obio, Jehovah ọdọhọ Jeremiah edi prọfet Imọ. Nte ededi, Jeremiah ekere ete imekpri ikaha ndidi prọfet. Edi Jehovah ete iyen̄wam enye.

Jeremiah asian nditọ Israel ẹtre mme idiọk n̄kpọ. Enye ọdọhọ, ‘Mme abasi mme idụt ẹdi nsu.’ Edi uwak nditọ Israel ẹmek ndikpono ndem n̄kan ndikpono Jehovah Abasi akpanikọ. Ke Jeremiah asiande mme owo ete Abasi eyenọ mmọ ufen ke idiọkn̄kpọ mmọ, mmọ ẹkam ẹsak enye.

Ediwak isua ẹbe. Jo·si′ah akpa, ndien ọfiọn̄ ita ẹbede, eyen esie Je·hoi′a·kim akabade edidem. Jeremiah osụk ọdọhọ mme owo: ‘Eyesobo Jerusalem ke mbufo mikpọn̄ke idiọk usụn̄ mbufo.’ Mme oku ẹmụm Jeremiah ẹfiori: ‘Akpana ẹwot fi ke nditịn̄ mme n̄kpọ emi.’ Do, mmọ ẹdọhọ mbọn̄ Israel: ‘Ekpewot Jeremiah koro enye etịn̄de ikọ adian obio nnyịn.’

Nso ke Jeremiah edinam ke emi? Enye ifeheke ndịk! Enye asian mmọ kpukpru: ‘Jehovah ọkọdọn̄ mi ntịn̄ mme ikọ emi nnọ mbufo. Ke mbufo mikpọn̄ke idiọk usụn̄ uwem mbufo, Jehovah eyesobo Jerusalem. Edi ẹtịm ẹfiọk emi: Ke mbufo ẹwotde mi, mbufo ediwot owo oro miduehe.’

Mbọn̄ ẹyak Jeremiah odu uwem, edi nditọ Israel ikpụhọkede usụn̄ mmọ. Ekem Neb·u·chad·nez′zar, edidem Babylon edin̄wana ye Jerusalem. Ke akpatre, Neb·u·chad·nez′zar anam nditọ Israel ẹdi ifụn esie. Enye ada ediwak tọsịn ọnyọn̄ Babylon. Kam kere nte ekpetiede isenowo ndimen fi n̄kpọn̄ ufọk fo n̄ka esen idụt!

Jeremiah 1:1-8; 10:1-5; 26:1-16; 2 Ndidem 24:1-17.



Mme Mbụme

  • Akparawa oro ke ndise emi edi anie?
  • Nso ke Jeremiah ekere aban̄a imọ ndikabade ndi prọfet, edi nso ke Jehovah ọdọhọ enye?
  • Nso etop ke Jeremiah aka iso asian mme owo?
  • Didie ke mme oku ẹdomo ndikpan Jeremiah, edi didie ke enye owụt ke imọ ifeheke ndịk?
  • Nso itịbe ke ini nditọ Israel mîkpọn̄ke idiọk usụn̄ uwem mmọ̣?

Mme mbụme efen

Kpep N̄kpọ En̄wen

Kad Mbre Bible Aban̄ade Jeremiah

Ini ewe ke Abasi ekemek Jeremiah prọfet? Da kad mbre Bible emi yom ibọrọ.