Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 72: Abasi An̄wam Edidem Hezekiah

Mbụk 72: Abasi An̄wam Edidem Hezekiah

NTE ọmọfiọk ntak owo emi ọbọn̄de akam ọnọ Jehovah? Ntak enye onịmde mme leta emi ke iso itie uwa Jehovah? Owo oro edi Hez·e·ki′ah. Enye edi edidem esien Israel iba eke usụk. Ndien odu ke akwa mfịna. Ntak-a?

Edidem Hezekiah ke ọbọn̄ akam

Koro udịm ekọn̄ mme As·syr′i·a ẹsesobo esien-10 eke edere. Jehovah ayak emi otịbe koro mmọ emi ẹketịmde ẹdiọk. Ndien ke emi udịm ekọn̄ mbon As·syr′i·a ẹdi ndin̄wana ye obio ubọn̄ esien iba.

Edidem As·syr′i·a ọnọ mme leta ẹsọk Edidem Hez·e·ki′ah ndo ndo oro. Mme leta oro ke Hez·e·ki′ah onịm emi ke iso Abasi. Mme leta emi ẹsuene Jehovah, ẹnyụn̄ ẹdọhọ Hez·e·ki′ah ayak obio. Ntre emi anam Hez·e·ki′ah ọbọn̄ akam: ‘O Jehovah, nyan̄a nnyịn ke ubọk edidem As·syr′i·a. Do kpukpru idụt ẹyefiọk ete afo kpọt edi Abasi.’ Nte Jehovah eyekop ọnọ Hez·e·ki′ah?

Hez·e·ki′ah edi eti edidem. Enye itiehe nte mme idiọk ndidem obio ubọn̄ esien-10 Israel, mme nte idiọk ete esie, Edidem A′haz. Hez·e·ki′ah ekpeme ndinam kpukpru ibet Jehovah. Ntre, ke Hez·e·ki′ah okụrede ndibọn̄ akam, prọfet Isaiah ọdọn̄ etop emi oto Jehovah ọnọ enye: ‘Edidem As·syr′i·a ididụkke idi Jerusalem. Baba mbon ekọn̄ esie idikperekekpere enye. Mmọ iditopke idem idan̄ kiet ke obio oro.’

Sese ndise ke page emi. Nte ọmọfiọk mmọ oro kpukpru okpo mbon ekọn̄ emi ẹdide? Mmọ ẹdi mbon As·syr′i·a. Jehovah ọkọdọn̄ angel esie, ndien ke okoneyo kiet angel oro ama owot mbon ekọn̄ As·syr′i·a 185,000. Ntre edidem As·syr′i·a ọkpọn̄ afiak ọnyọn̄.

Mbon ekọn̄ Assyria emi ẹma ẹkekpan̄a

Ẹnyan̄a obio ubọn̄ esien iba ndien mme owo ẹnyene emem ke ekpri ini. Edi ke Hez·e·ki′ah akpade, eyen esie Ma·nas′seh akabade edidem. Ma·nas′seh ye eyen esie A′mon etienede enye edi ata ndiọi ndidem. Ntre isọn̄ afiak ọyọhọ ye ubiat ibet ye obom. Ke mme ifụn esie ẹma ẹkewot Edidem A′mon, ẹnam Jo·si′ah eyen esie edidem obio ubọn̄ esien iba.

2 Ndidem 18:1-36; 19:1-37; 21:1-25.



Mme Mbụme

  • Anie edi emi ke ndise, ndien ntak emi enye odude ke akwa mfịna?
  • Ewe leta ke Hezekiah obon emi ke iso Abasi, ndien nso ke Hezekiah eben̄e?
  • Nso utọ edidem ke Hezekiah edi, ndien nso etop ke Jehovah ọdọn̄ Isaiah otobo enye?
  • Nte ẹwụtde ke ndise emi, nso ke angel Jehovah anam mbon Assyria?
  • Okposụkedi emem odude ke obio ubọn̄ esien iba ke ekpri ini, nso itịbe ke Hezekiah akpade?

Mme mbụme efen