Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 67: Jehoshaphat Ọbuọt Idem ye Jehovah

Mbụk 67: Jehoshaphat Ọbuọt Idem ye Jehovah

NTE ọmọfiọk mme mmanie ke mmọ emi ẹdi ye se mmọ ẹnamde? Mmọ ẹka ekọn̄, ndien mbon oro ẹdude ke iso ke ẹkwọ ikwọ. Edi emekeme ndibụp: ‘Ntak mbon ikwọ oro mikamake ofụt ye eduat ndida n̄wana?’ Yak ise.

Mbon Israel ẹka ekọn̄

Je·hosh′a·phat edi edidem obio ubọn̄ esien iba eke Israel. Enye odu uwem ke eyo edidem A′hab ye Jez′e·bel eke obio ubọn̄ esien-10 edere. Edi Je·hosh′a·phat edi eti edidem, ndien ete esie A′sa ekedi eti edidem n̄ko. Ntre mbon obio ubọn̄ esien-2 edem usụk ẹma ẹdara eti uwem ke ediwak isua.

Edi idahaemi n̄kpọ otịbe ndinam ndịk anam mme owo. Mme isụn̄utom ẹtọt Je·hosh′a·phat: ‘Akwa udịm ekọn̄ ke ẹto idụt Mo′ab, Am′mon ye Obot Se′ir ẹdi ndin̄wana ye afo.’ Uwak mbon Israel ẹsop idem ke Jerusalem ndiyom un̄wam Jehovah. Mmọ ẹka ke temple, do Je·hosh′a·phat ọbọn̄ akam ete: ‘O Jehovah Abasi nnyịn, nnyịn ifiọkke se ikpanamde. Nnyịn inyeneke un̄wam ke akwa udịm ekọn̄ emi. Nnyịn ise fi iyom un̄wam.’

Jehovah okop, onyụn̄ ọdọn̄ asan̄autom esie kiet asian mme owo: ‘Ekọn̄ inyeneke mbufo, enyene Abasi. Mbufo idin̄wanake. Ekam ẹse, ẹkụt nte Jehovah edinyan̄ade mbufo.’

Ntre ndan̄nsiere Je·hosh′a·phat asian mme owo: ‘Ẹbuọt idem ye Jehovah.’ Enye ndien onịm mme ọkwọ ikwọ ke iso mbon ekọn̄ esie, nte mmọ ẹkade, mmọ ẹkwọ itoro ẹnọ Jehovah. Nte ọmọfiọk se itịbede ke mmọ ẹkperede an̄wa ekọn̄? Jehovah anam mbon ekọn̄ mme asua ẹn̄wana ke idem mmọ. Ndien ke mbon Israel ẹsịmde, kpukpru mbon ekọn̄ asua ẹkpan̄a!

Nte Je·hosh′a·phat ikedịghe ọniọn̄ ndibuọt idem ye Jehovah? Nnyịn iyedi ọniọn̄ ke nnyịn ibuọtde idem ye Enye n̄ko.

1 Ndidem 22:41-53; 2 Chronicles 20:1-30.


Mme Mbụme

  • Anie edi Jehoshaphat, ndien ini ewe ke enye odu uwem?
  • Ntak emi nditọ Israel ẹkopde ndịk, ndien nso ke ediwak mmọ ẹnam?
  • Didie ke Jehovah ọbọrọ akam Jehoshaphat?
  • Nso ke Jehovah anam etịbe mbemiso ẹsịmde an̄wa ekọn̄?
  • Nso ke nnyịn ikeme ndikpep nto Jehoshaphat?

Mme mbụme efen