Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 66: Jezebel—Idiọk Ọbọn̄ An̄wan

Mbụk 66: Jezebel—Idiọk Ọbọn̄ An̄wan

KE EDIDEM Jer·o·bo′am akpade, ofụri ndidem ẹkarade obio ubọn̄ edere esien-10 Israel ẹdediọk. Edidem A′hab ọdiọk akan kpukpru. Nte ọmọfiọk ntak? N̄wan esie edi akwa ntak kiet. Idiọk ọbọn̄ an̄wan Jez′e·bel.

Jez′e·bel idịghe n̄wan Israel. Enye edi adiaha edidem Si′don. Enye okpono nsunsu abasi Ba′al, onyụn̄ anam A′hab ye uwak mbon Israel ẹkpono Ba′al n̄ko. Jez′e·bel asua Jehovah onyụn̄ owot ediwak prọfet esie. Akana mmọ eken ẹdịbe ke aba itiat man ẹkuwot mmọ. Ke Jez′e·bel oyomde n̄kpọ, enye eyewot idem owo man ọbọ n̄kpọ oro.

Usen kiet, Edidem A′hab ọfụhọ etieti. Do Jez′e·bel obụp enye: ‘Ntak afo ọfụhọde mfịn-e?’

A′hab ọbọrọ ete, ‘Oto se Na′both ọdọhọde mi.’ ‘N̄koyom ndidep in̄wan̄ vine esie. Edi enye ọdọhọ ke ndidepke.’

Jez′e·bel ete, ‘Kukere.’ ‘Nnyebọ enye nnọ fi.’

Ntre Jez′e·bel ewet leta ọnọ ndusụk mbọn̄ obio emi Na′both odụn̄de. Ọdọhọ mmọ, ‘ẹnam mme oburọbụt owo ẹdọhọ ẹte Na′both osụn̄i Abasi ye edidem.’ Do ẹda Na′both ẹwọrọ ke obio, ẹtọn̄ọ enye ke itiat ẹwot.’

Ndo ndo oro Jez′e·bel okopde ke Na′both akpa, enye ọdọhọ A′hab: ‘Ke emi ka kada in̄wan̄ vine esie.’ Nte afo unyịmeke nte Jez′e·bel odot ufen ke ndinam utọ enyene ndịk n̄kpọ oro?

Ọbọn̄ an̄wan Jezebel

Mọdo, ekem, Jehovah ọdọn̄ Je′hu ete ọkọnọ enye ufen. Ke Jez′e·bel okopde ete Je′hu ke edi, enye abana enyịn esie onyụn̄ an̄wana nditịm idem man itịm iye. Edi ke Je′hu edide edikụt Jez′e·bel ke window, enye okot irenowo ke ufọk edidem ete: ‘Ẹduọk enye ke isọn̄!’ Irenowo oro ẹnam ntre, nte ekemede ndikụt ke ndise oro. Mmọ ẹsio enye ẹduọk ke isọn̄, ndien enye akpa. Emi edi utịt idiọk Ọbọn̄ an̄wan Jez′e·bel.

1 Ndidem 16:29-33; 18:1-4; 21:1-16; 2 Ndidem 9:30-37.



Mme Mbụme

  • Anie edi Jezebel?
  • Ntak emi Edidem Ahab ofụhọde usen kiet-e?
  • Nso ke Jezebel anam man ọbọ in̄wan̄ vine Naboth ọnọ ebe esie, Ahab?
  • Anie ke Jehovah ọdọn̄ ọkọnọ Jezebel ufen?
  • Nte afo ekemede ndikụt ke ndise emi, nso itịbe ke ini Jehu edide edisịm ufọk ubọn̄ Jezebel?

Mme mbụme efen

Kpep N̄kpọ En̄wen

MME N̄KPỌ NDIDA N̄KPEP BIBLE

Abasi Emi Asuade Ukwan̄ikpe

Sion̄o n̄kpọ emi mi man ese se ekemede ndikpep nto mbụk Ahab, Jezebel, Naboth, ye Elijah.