Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 60: Abigail ye David

Mbụk 60: Abigail ye David

NTE AFO ọmọfiọk ediye n̄wan emi edide ndikụt David? Enye ekere Ab′i·gail. Enye enyene eti ibuot, ndien enye akpan David ndinam idiọk. Edi mbemiso ikpepde iban̄a oro, yak ikụt se itịbede inọ David.

Ke David ama ekefehe ọkpọn̄ Saul, enye odịbe ke aba itiat. Nditọ eka esie ye mbon ufọk eken ẹtiene enye do. N̄kpọ nte mme owo 400 ke kpukpru ẹtiene enye, ndien David akabade etubom mmọ. David ndien etiene edidem Mo′ab ọkọdọhọ: ‘Mbọk yak ete ye eka mi etie ye afo tutu n̄kụt se itịbede inọ mi.’ Ekem, David ye ikọt esie ẹtọn̄ọ ndidịbe ke mme obot.

Edi ke emi ebede ke David osobo ye Ab′i·gail. Ebe esie Na′bal edi imọ enyene in̄wan̄ owo. Enye enyene erọn̄ 3,000 ye mme ebot 1,000. Na′bal edi owo ibụk. Ab′i·gail n̄wan esie otịm eye. N̄ko enye ọfiọk ndinam eti. Ini kiet enye anyan̄a ubon esie. Yak ise nte ekedide.

David ye ikọt esie ẹma ẹfọn ido ye Na′bal. Mmọ ẹma ẹn̄wam ndikpeme erọn̄ esie. Ntre usen kiet, David ọdọn̄ ikọt esie ẹkenam eben̄e ẹto Na′bal. Ikọt David ẹdisịm Na′bal ke enye ye mme andin̄wam enye ẹfatde idet erọn̄. Edi usen usọrọ, ndien Na′bal enyene uwak nti n̄kpọ ndidia. Ntre emi ke ikọt David ẹdọhọ: ‘Nnyịn ima ifọn ye afo. Nnyịn ikeyịpke baba erọn̄ fo, edi ikan̄wam ndikpeme mmọ. Ke emi, mbọk, nọ nnyịn ndusụk udia.’

Na′bal ete, ‘Ndinọhọ utọ mbufo udia mi.’ Enye etịn̄ ikọ ke ata usụn̄ isụn̄i, onyụn̄ etịn̄ idiọk adian David. Ke mme owo oro ẹfiakde ẹkẹsian David emi, esịt otịm ayat David. Enye ọdọhọ ikọt esie ete, ‘ẹbọbọ ofụt mbufo!’ Ndien mmọ ẹka ndiwot Na′bal ye ikọt esie.

Owo Na′bal kiet emi okokopde mme ikọ isụn̄i oro Na′bal eketịn̄de, asian Ab′i·gail se ikotịbede. Ibịghike, Ab′i·gail otịm ndusụk udia. Enye odori mmọ ke mme ass onyụn̄ adaha. Ke enye osobode David, enye ọsụhọde ke ass ọnụhọ onyụn̄ ọdọhọ: ‘Mbọk ete, kutiene se ebe mi, Na′bal anamde. Enye edi nditen̄ ndien anam nditen̄ n̄kpọ. Se enọ mi. Mbọk bọ enye, nyụn̄ fen nnọ nnyịn ke se ikotịbede.’

Abigail ke ada enọ ọsọk David

David ọbọrọ ete, ‘Afo edi n̄wan eti ibuot.’ ‘Afo amakpan mi n̄kuwot Na′bal ndikpe enye utịp isụn̄i esie. Nyọn̄ ke emem ke emi.’ Ekem, ke Na′bal akpade, Ab′i·gail akabade kiet ke otu iban ndọ David.

1 Samuel 22:1-4; 25:1-43.



Mme Mbụme

  • N̄wan emi edide ndisobo ye David ke ndise emi ekere didie, ndien nso orụk owo ke enye edi?
  • Anie edi Nabal?
  • Ntak emi David ọdọn̄de ndusụk ikọt esie ẹkenam eben̄e ẹto Nabal?
  • Nso ke Nabal ọdọhọ ikọt David, ndien didie ke David anam n̄kpọ?
  • Didie ke Abigail owụt ke imọ idi n̄wan eti ibuot?

Mme mbụme efen

Kpep N̄kpọ En̄wen

Abigail Acted With Discretion

What can we learn from Abigail’s difficult marital situation?