Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 57: Abasi Emek David

Mbụk 57: Abasi Emek David
David anyan̄a ekpri erọn̄

NTE afo emekeme ndikụt se itịbede? Eyeneren oro anyan̄a ekpri erọn̄ oro osio ke ubọk bear. Bear ama edi edimen erọn̄ oro aka ndita. Edi eyeneren oro efehe ebịne mmọ onyụn̄ anyan̄a erọn̄ osio ke inua esie. Ndien ke bear oro okụnide, eyeneren oro omụm enye ọtọ owot! Ini efen, enye ama anyan̄a erọn̄ osio ke ubọk lion. Nte enye idịghe eyeneren okopde odudu? Nte ọmọfiọk owo emi enye edide?

Emi edi ekpri David. Enye odụn̄ ke obio Beth′le·hem. Ete ete esie ekedi O′bed, eyen Ruth ye Boaz. Nte emeti mmọ? Ndien ete David edi Jes′se. David ekpeme erọn̄ ete esie. David akamana isua 10 ke Jehovah ama ekemek Saul ndidi edidem.

Ini edi oro Jehovah ọdọhọde Samuel: ‘Da akpan aran ka ufọk Jes′se ke Beth′le·hem. Mmemek eyeneren esie kiet ndidi edidem.’ Ke Samuel okụtde E·li′ab, akpan Jes′se, enye ọdọhọ idemesie: ‘Emi ke akpan edi enye oro Jehovah emekde.’ Edi Jehovah ọdọhọ enye: ‘Kuse nte enye ọniọn̄de onyụn̄ eyede. Mmekke enye edi edidem.’

Ntre Jes′se okot eyeneren esie A·bin′a·dab ọnọ Samuel. Edi Samuel ete: ‘Baba, Jehovah imekke enye n̄ko.’ Ekem, Jes′se ada Sham′mah eyeneren esie edi. Samuel ete, ‘Baba, Jehovah inyụn̄ imekke enye.’ Jes′se ada nditọ iren esie itiaba ọsọk Samuel, edi Jehovah imekke mmọ baba kiet. Samuel obụp ete, ‘Nte nditọ irenowo ẹkụre ke emi?’

Jes′se ọdọhọ, ‘Ata ekpri ke osụk odu.’ ‘Edi enye ke in̄wan̄ ke ekpeme erọn̄.’ Ke ẹdade David ẹdi, Samuel ekeme ndikụt ete enye edi eti eyeneren. Jehovah ete ‘Enye edi emi.’ ‘Yet enye aran.’ Ndien emi ke Samuel anam. Ini eyedi oro David edikabarede edidem Israel.

1 Samuel 17:34, 35; 16:1-13.



Mme Mbụme

  • Eyeneren oro odude ke ndise emi ekere didie, ndien nnyịn isan̄a didie ifiọk ke enye okop odudu?
  • David odụn̄ ke m̀mọ̀n̄, ndien ete ye ete ete esie ẹkere didie?
  • Ntak emi Jehovah ọdọhọde Samuel aka ufọk Jesse ke Bethlehem?
  • Nso itịbe ke ini Jesse adade nditọ iren esie itiaba ọsọk Samuel?
  • Nso ke Jehovah etịn̄ ọnọ Samuel ke ini ẹdade David ẹdi?

Mme mbụme efen

Kpep N̄kpọ En̄wen

KAD MBRE BIBLE

Kad Mbre Bible Aban̄ade David

Ekeme ndidi ọmọfọfiọk mbụk David ye Goliath, edi osụk odu se ekemede ndikpep nto David.