Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 49: Utịn Atuak Ada

Mbụk 49: Utịn Atuak Ada

SESE Joshua. Enye ke ọdọhọ: ‘Utịn, tuak da!’ Ndien utịn atuak ada. Enye odu do ke ufọt ikpa enyọn̄ ke ofụri usen kiet. Jehovah anam enye otịbe! Edi yak ise ntak Joshua oyomde utịn osụk ayama.

Utịn

Ke mme idiọk ndidem ition oro ke Ca′naan ẹtọn̄ọde ndin̄wana ye mbon Gib′e·on, mbon Gib′e·on ẹdọn̄ owo ekeben̄e Joshua un̄wam. Enye ete, ‘Ẹsọp ẹtiene nnyịn! Ẹnyan̄a nnyịn! Kpukpru ndidem obio ikpọ obot ẹdi ndin̄wana ye ifụn fo.’

Ini kiet, Joshua ye mbon en̄wan esie ẹka. Ke ofụri okoneyo, mmọ ẹnam isan̄. Ke mmọ ẹsịmde Gib′e·on, mbonekọn̄ ndidem ition oro ẹkop ndịk ndien ẹtọn̄ọ ndifen̄e. Do, Jehovah anam ikpọ, edịm itiat ẹduọn̄ọ ẹto enyọn̄, ndien mbonekọn̄ ẹkpa ke edịm itiat ọtọde awak akan nte mbonekọn̄ Joshua ẹwotde.

Joshua

Joshua okụt ete ibịghike, utịn eyesop. Ndien eyo eyekụt n̄ko uwak mbonekọn̄ mme idiọk ndidem ition ẹyebọhọ. Ntre, ntak edi oro Joshua ọbọn̄de akam ọnọ Jehovah ete: ‘Utịn, tuak da!’ Ndien ke utịn osụk ayamade, nditọ Israel ekeme ndikụre edikan ke en̄wan oro.

Ediwak ndiọi ndidem efen ẹdu ke Ca′naan ẹmi ẹsuade ikọt Abasi. Ada Joshua ye mbonekọn̄ esie n̄kpọ nte isua itiokiet ndikan ndidem 31 ke idụt oro. Ke ẹnamde emi, Joshua okụt ke ẹbahade isọn̄ Ca′naan ẹnọ mme esien oro ẹsụk ẹyomde efak idụn̄.

Ediwak isua ẹbe, ndien Joshua akpa ke akpatre ke osịmde isua 110. Adan̄a nte enye ye mme ufan esie ẹdude uwem, mme owo ẹkop uyo Jehovah. Edi ke nti owo ẹmi ẹkpade, mme owo ẹtọn̄ọ ndinam mme idiọkn̄kpọ ẹnyụn̄ ẹdụk afanikọn̄. Ini emi ke mmọ ẹtịm ẹyom un̄wam Abasi.

Joshua 10:6-15; 12:7-24; 14:1-5; Judges 2:8-13.



Mme Mbụme

  • Nso ke Joshua etịn̄ ke ndise emi, ndien ntak-a?
  • Didie ke Jehovah an̄wam Joshua ye mbonekọn̄ esie?
  • Ndiọi ndidem ifan̄ ke Joshua akan, ndien ada enye isua ífan̄?
  • Ntak emi Joshua abaharede isọn̄ Canaan?
  • Joshua edi isua ifan̄ ke ini enye akpade, ndien nso itịbe inọ mme owo ke enye ama akakpa?

Mme mbụme efen