Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 47: Inọ ke Israel

Mbụk 47: Inọ ke Israel
Achan ke edịp se enye okoyịpde

SESE se owo emi obụkde ke tent esie! Ediye ọfọn̄, ye esan̄ o-gold ye mme mbak silver. Enye ada mmọ oto obio Jer′i·cho. Edi nso ke ẹkpekenam ye mme n̄kpọ ẹtode Jer′i·cho? Nte afo emeti?

Akana ẹsobo mmọ, ndien ẹda gold ye silver ẹsịn ke ekebe okụk ataya Jehovah. Ntre mme owo ẹmi ẹtụt utọn̄ ye Abasi. Mmọ ẹmeyịp inyene Abasi. Enyịn̄ owo oro edi A′chan, ndien mmọ oro ẹdude ye enye edi mbon ufọk esie. Yak ise se itịbede.

Ke A′chan ama okoyịp mme n̄kpọ ẹmi, Joshua ọdọn̄ mme owo ẹken̄wana ye A′i. Edi ẹkan mmọ ke ekọn̄. Ẹwot ndusụk owo, ndien mmọ eken ẹfehe. Joshua otịm ọfụhọ. Enye ana okụbi iso ke isọn̄ ọbọn̄ akam ọnọ Jehovah: ‘Nsinam afo ayakde emi otịbe ọnọ nnyịn?’

Jehovah ọbọrọ: ‘Daha ke enyọn̄! Israel ama anam idiọk. Mmọ ẹmeda ndusụk n̄kpọ oro ẹkenade ẹsobo mme, akanade ẹnọ ke ataya Jehovah. Mmọ ẹmeyịp ediye ọfọn̄idem ẹnyụn̄ ẹdịp. Ndidiọn̄ke mbufo tutu mbufo ẹsobo enye ye owo oro adade mme n̄kpọ ẹmi.’ Jehovah ọdọhọ ete imọ iyewụt Joshua idiọk owo oro.

Ntem Joshua obon kpukpru owo ọtọkiet, ndien Jehovah osio idiọk owo oro A′chan. A′chan ọdọhọ: ‘Mmanam idiọk. Mma n̄kụt ediye ọfọn̄idem, ye esan̄ o-gold ye mbak silver. Mma ntịm nyom mmọ ndien nda mmọ. Mbufo ẹyekụt mmọ ẹbụhọde ke ataya mi.’

Ke ẹkụtde ẹnyụn̄ ẹdade mme n̄kpọ ẹmi ẹsọk Joshua, enye ọdọhọ A′chan: ‘Nsinam afo adade afanikọn̄ ọsọk nnyịn? Idahaemi, Jehovah ẹyeda afanikọn̄ ọsọk fi!’ Do, kpukpru owo ẹtọn̄ọ A′chan ye ufọk esie ke itiat ẹwot. Nte oro iwụtke ite nnyịn ikpadaha mme n̄kpọ oro minyeneke nnyịn?

Ke oro ebede, Israel ọwọrọ ndifiak n̄wana ye A′i. Ini emi, Jehovah an̄wam ikọt esie, ndien mmọ ẹkan ke ekọn̄.

Joshua 7:1-26; 8:1-29.



Mme Mbụme

  • Ke ndise emi, anie edi owo emi obụkde mme inyene ẹdade ẹto Jericho ke isọn̄, ndien mmanie ẹn̄wam enye?
  • Ntak emi edinam Achan ye ubon esie ẹnen̄erede ẹdiọk?
  • Nso ke Jehovah etịn̄ ke ini Joshua obụpde ntak ẹkekande nditọ Israel ke ekọn̄ ke Ai?
  • Ke ẹma ẹkeda Achan ye ubon esie ẹsọk Joshua, nso ke ẹnam mmọ?
  • Nso akpan n̄kpọ ke ubiereikpe Achan ekpep nnyịn?

Mme mbụme efen