Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 46: Mme Ibibene Jericho

Mbụk 46: Mme Ibibene Jericho

NSO inam mme ibibene Jer′i·cho ẹmi ẹduọ? Etie nte ata akamba bomb ọtọ mmọ. Edi ke mme usen oro, mmọ ikenyeneke mme bomb; mmọ ikenyeneke idem mme ikan̄. Edi utịbe n̄kpọ Jehovah efen! Yak ikpep nte okotịbede.

Mme ibibene Jericho ẹduọ

Kpan̄ utọn̄ ke se Jehovah ọdọhọde Joshua: ‘Afo ye mbon ekọn̄ ẹsan̄a ẹkanade obio. Ẹsan̄a ẹkanade enye ini kiet ke usen, ke usen itiokiet. Ẹmen ekebe ediomi ẹsan̄a. Mme oku itiaba ekpenyene ndibem enye iso nnyụn̄ mfri obukpon̄ mmọ.

‘Ke ọyọhọ usen itiaba, mbufo ẹkpenyene ndisan̄a n̄kanade obio utịm ikatiaba. Ndien ẹfụri anyan uyo obukpon̄, ndien yak kpukpru owo ẹfiori akwa n̄kpo ekọn̄. Ndien mme ibibene ẹyeduọ ẹkụbọ!’

Joshua ye mme owo ẹnam se Jehovah ọdọhọde. Ke mmọ ẹnamde isan̄, kpukpru owo ẹdop uyo. Baba owo kiet itịn̄ke ikọ. Kpukpru se ekemede ndikop edi uyom obukpon̄ ye eke ikpat. Ana edi mme asua ikọt Abasi ke Jer′i·cho ẹma ẹkop ndịk. Nte omokụt ididuot urụk oro ọkọn̄ọde ke window? Window anie edi oro? Ih, Ra′hab anam se mbon uyep iba oro ẹkẹdọhọde enye anam. Ofụri ubon esie ẹdu ke ufọk ke ẹse ye enye.

Joshua

Ke akpatre, ke ọyọhọ usen itiaba, ke ẹma ẹkekanade obio utịm ikatiaba, ẹfụri obukpon̄, mbon ekọn̄ ẹfiori, ndien mme ibibene ẹduọ. Do Joshua ọdọhọ: ‘Sobo kpukpru owo ke obio ndien ẹfọp enye. Ẹfọp kpukpru n̄kpọ. Ẹsụhọ kpasụk silver, gold, copper ye ukwak, ndien ẹda mmọ ẹnọ ekebe okụk ataya Jehovah.’

Joshua ọdọhọ mbon uyep iba oro ete: ‘Ẹdụk ke ufọk Ra′hab, ẹkesio enye ye ofụri ubon esie ẹdi.’ Ra′hab ye ubon esie ẹbọhọ, kpasụk nte mbon uyep ẹken̄wọn̄ọde ẹnọ enye.

Joshua 6:1-25.



Mme Mbụme

  • Nso ke Jehovah ọdọhọ mbon ekọn̄ ye mme oku ẹnam ke usen itiokiet?
  • Nso ke iren oro ẹnyene ndinam ke ọyọhọ usen itiaba?
  • Nte afo okụtde ke ndise emi, nso itịbe inọ mme ibibene Jericho?
  • Ntak ẹkọn̄de ididuot urụk ke window?
  • Nso ke Joshua ọdọhọ mbon ekọn̄ ẹnam mme owo ye obio oro, edi nso kaban̄a silver, gold, copper, ye ukwak?
  • Nso ke ẹdọhọ mbon uyep iba oro ẹnam?

Mme mbụme efen