Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 44: Rahab Odịp Mbon Uyep

Mbụk 44: Rahab Odịp Mbon Uyep

MBON ẹmi ẹdu ke afanikọn̄. Ana mmọ ẹnyọn̄, midịghe ẹyewot mmọ. Mmọ ẹdi mbon uyep Israel, ndien n̄wan oro an̄wamde mmọ edi Ra′hab. Ra′hab odụn̄ mi ke ufọk ke ibibene obio Jer′i·cho. Yak ifiọk ntak mbon ẹmi ẹdude ke afanikọn̄.

Nditọ Israel ẹben̄e idem ndibe Akpa Jordan ndụk ke isọn̄ Ca′naan. Edi mbemiso mmọ ẹdụkde, Joshua ọdọn̄ mbon uyep iba. Enye asian mmọ: ‘Ẹka ẹkese isọn̄ ye obio Jer′i·cho.’

Rahab ye nditọ Israel iba emi ẹdide mbon uyep

Ke ini mbon uyep ẹdụkde Jer′i·cho, mmọ ẹka ufọk Ra′hab. Edi owo asian edidem Jer′i·cho ete: ‘Nditọ Israel iba ẹdụk ẹdi okoneyo mfịn ndiyep isọn̄.’ Ke okopde emi, edidem ọdọn̄ mme owo ẹbịne Ra′hab, ndien mmọ ẹwụk enye ẹte: ‘Sio mme owo oro afo esịnde ke ufọk di!’ Edi Ra′hab ama odịp mbon uyep ke enyọn̄ ọkọm esie. Ntre enye ete: ‘Mme owo ẹma ẹdi ufọk mi, edi n̄kọfiọkke ebiet mmọ ẹtode. Mmọ ẹma ẹnyọn̄ ke n̄kụteyo, mbemiso ẹkeberi inua otop obio. Ke mbufo ẹsọpde, mbufo ẹmekeme ndisịm mmọ!’ Ntre mme owo oro ẹka ẹbịne mmọ.

Ke mmọ ẹma ẹkedaha, Ra′hab ọsọp aka ọkọm. Enye ọdọhọ mbon uyep, ‘Mmọfiọk Jehovah eyenọ mbufo isọn̄ emi.’ ‘Nnyịn imokop nte enye akanamde Ididuot Inyan̄ asat ke mbufo ẹkpọn̄de Egypt, ye nte mbufo ẹkewotde ndidem Si′hon ye Og. Ami mmọfọn mfọn ye mbufo, ntre ẹn̄wọn̄ọ ẹnọ mi mbọk, nte mbufo ẹyefọn mfọn ye ami. Ẹnyan̄a ete mi ye eka mi, ye nditọ eka mi iren ye iban.’

Mbon uyep ẹn̄wọn̄ọ ẹte iyenam, edi ana Ra′hab anam n̄kpọ. Mbon uyep ẹte ‘Da ididuot urụk emi tebe ke window fo, nnyụn̄ tan̄ kpukpru iman fo sịn ke ufọk ye afo. Ndien ke nnyịn kpukpru ifiakde idi ndida Jer′i·cho, nnyịn iyekụt urụk emi ke window fo ndien idiwotke baba owo ke ufọk fo.’ Ke mbon uyep ẹfiakde ẹtiene Joshua, mmọ ẹsian enye kpukpru se ikotịbede.

Joshua 2:1-24; Mme Hebrew 11:31.



Mme Mbụme

  • Rahab odụn̄ ke m̀mọ̀n̄?
  • Iren iba emi ẹdude ke ndise emi ẹdi mmanie, ndien ntak emi mmọ ẹdude ke Jericho?
  • Nso ke edidem Jericho owụk Rahab anam, ndien nso ke enye ọkọbọrọ?
  • Didie ke Rahab an̄wam iren iba oro, ndien nso ke enye eben̄e mmọ?
  • Nso un̄wọn̄ọ ke mbon uyep iba oro ẹkenam ẹnọ Rahab?

Mme mbụme efen

Kpep N̄kpọ En̄wen

Rahab Ama Ọbuọt Idem ye Jehovah

Se nte ẹkenyan̄ade Rahab ye mbonubon esie ke ini ẹkesobode Jericho.

‘Ẹbat Rahab ke Edinen ke Ntak Edinam Esie’

Mbụk Rahab owụt ke idụhe owo emi mîwọrọke n̄kpọ ke enyịn Abasi. Ndien nso ke Rahab ye mbon uyep Israel oro ẹkpep nnyịn ẹban̄a mbuọtidem?