Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 43: Joshua Akabade Edi Etubom

Mbụk 43: Joshua Akabade Edi Etubom

MOSES oyom ndidụk Ca′naan ye nditọ Israel. Ntre enye eben̄e ete: ‘Jehovah, yak mbe Akpa Jordan emi, n̄kụt eti isọn̄ oro.’ Edi Jehovah ete: ‘Oro ekem! Kufiak udọhọ emi aba!’ Nte ọmọfiọk ntak Jehovah ọkọdọhọde oro?

Oto ke se ikotịbede ke ini Moses akamiade itiat. Ti, enye ye Aaron ikokponoke Jehovah. Mmọ ikasianke mme owo nte ke edi Jehovah okosio mmọn̄ ke itiat. Ke ntak emi, Jehovah ọkọdọhọ ete imọ idiyakke mmọ ẹdụk Ca′naan.

Ntre ọfiọn̄ ifan̄ ke Aaron ama akakpa, Jehovah ọdọhọ Moses: ‘Da Joshua ndien nnam enye ada ke iso Eleazar oku ye mme owo. Ndien ke iso mmọ kpukpru, sian kpukpru owo ete Joshua edi obufa etubom.’ Moses anam se Jehovah ọdọhọde, nte afo ekemede ndikụt ke ndise emi.

Moses asian mme owo ke Joshua edi etubom

Ekem Jehovah ọdọhọ Joshua: ‘Sọn̄ idem, kudịghe. Afo eyeda nditọ Israel odụk ke isọn̄ Ca′naan oro ami n̄kọn̄wọn̄ode nnọ mmọ, ndien nyedu ye afo.’

Ekem, Jehovah ọdọhọ Moses ọdọk aka ata enyọn̄ Obot Ne′bo ke isọn̄ Mo′ab. Otode do, Moses ese ebe Akpa Jordan onyụn̄ okụt ediye Isọn̄ Ca′naan. Jehovah ọdọhọ ete: ‘Emi edi isọn̄ oro n̄kọn̄wọn̄ọde ndinọ nditọ Abraham, Isaac ye Jacob. Ami mmayak fi okụt enye, edi ndiyakke fi oduk ke esịt.’

Do ke enyọn̄ Obot Ne′bo, Moses akpa. Enye ekedi isua 120. Enye ke okosụk ọsọn̄ idem, n̄ko enyịn esie ke ẹkesụk ẹfon. Mme owo ẹfuhọ etieti koro Moses akpade. Edi mmọ ẹnem esịt ndinyene Joshua nte obufa etubom.

Numbers 27:12-23; Deuteronomy 3:23-29; 31:1-8, 14-23; 32:45-52; 34:1-12.



Mme Mbụme

  • Mmanie ẹda ye Moses ke ndise emi?
  • Nso ke Jehovah ọdọhọ Joshua?
  • Ntak emi Moses ọdọkde aka ata enyọn̄ Obot Nebo, ndien nso ke Jehovah ọdọhọ enye?
  • Moses edi isua ifan̄ ke ini enye akpade?
  • Ntak emi mme owo ẹfụhọde, edi nso ntak ke mmọ ẹnyene ndinem esịt?

Mme mbụme efen

Kpep N̄kpọ En̄wen

KAD MBRE BIBLE

Kad Mbre Bible Aban̄ade Joshua

Didie ke Joshua ye mbonekọn̄ esie ẹkenam ibibene Jericho ọduọ? Mịn̄ kad mbre Bible emi, da kpep ban̄a owo uko emi ke Bible.