Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 42: Ass Etịn̄ Ikọ

Mbụk 42: Ass Etịn̄ Ikọ

NTE akanam afo omokop ass etịn̄de ikọ? Afo emekeme ndidọhọ, ‘Baba.’ ‘Mme unam isitịn̄ke ikọ.’ Edi Bible etịn̄ aban̄a ass oro eketịn̄de ikọ. Yak ise nte okotịbede.

Angel

Nditọ Israel ekpere ndibe ndụk isọn̄ Ca′naan. Ba′lak, edidem Mo′ab, efehe Israel ndịk. Ntre enye ọdọn̄ ekot asian owo ekotde Ba′laam edi edisụn̄i nditọ Israel. Ba′lak ọn̄wọn̄ọ ndinọ Ba′laam ekese okụk, ntre Ba′laam ọdọk ass esie adaha ndikụt Ba′lak.

Jehovah iyomke Ba′laam osụn̄i ikọt Esie. Ntre enye ọdọn̄ angel ye anyan ofụt ada ke usụn̄ nditre Ba′laam. Ba′laam ikemeke ndikụt angel oro, edi ass esie okụt. Ntre ass odomo ndifep angel oro, ndien ke akpatre ọduọ ana ke usụn̄. Ba′laam otịm ayat esịt, ndien amia ass esie ke eto.

Ndien Jehovah anam Ba′laam okop ass esie etịn̄de ikọ ọnọ enye. Ass obụp ete ‘Nnam fi nso man afo amia mi?’

Balaam odoro ke ass

Ba′laam ọbọrọ ete, ‘Afo amanam mi mbiet nditen̄.’ ‘Ke n̄kpakamade ofụt, ami n̄kpowot fi!’

Ass obụp ete, ‘Nte mmanam fi ntem akanam?’ Ba′laam ọbọrọ ete, ‘Baba.’

Jehovah ndien anam Ba′laam okụt angel adade ke usụn̄ ye ofụt. Angel oro ọdọhọ: ‘Ntak afo amiade ass fo? Ami mmedi ndibiọn̄ọ fi koro afo ukpakaha ndisụn̄i Israel. Ke ass fo mikpefepke mi, ami n̄kpowot fi, edi n̄kpọ ikpanamke ass fo.’

Ba′laam ọdọhọ ete: ‘Mmanam idiọkn̄kpọ. N̄kọfiọkke nte afo akada ke usụn̄.’ Angel oro ayak Ba′laam aka, ndien Ba′laam aka ndikụt Ba′lak. Enye osụk odomo ndisụn̄i Israel, edi utu ke oro, Jehovah anam enye ọdiọn̄ Israel utịm ikata.

Numbers 21:21-35; 22:1-40; 23:1-30; 24:1-25.



Mme Mbụme

  • Anie edi Balak, ndien ntak emi enye ọdọn̄de ẹkekot Balaam?
  • Ntak emi ass Balaam ọduọde ana ke usụn̄?
  • Nso ke Balaam okop nte ass etịn̄de?
  • Nso ke angel etịn̄ ye Balaam?
  • Nso itịbe ke ini Balaam odomode ndisụn̄i Israel?

Mme mbụme efen