Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 32: Mme Ufen 10 Oro

Mbụk 32: Mme Ufen 10 Oro

SE MME ndise emi. Mmọ kiet kiet ẹwụt ufen oro Jehovah ọkọnọde Egypt. Ke akpa ndise, afo emekeme ndikụt Aaron amiade Akpa Nile ye esan̄ esie. Ke ini enye akamiade, mmọn̄ ke akpa akakabade iyịp. Iyak ẹkpa, ndien akpa oro eketebe.

Mme ufen ẹsịm mbon Egypt

Ke oro ebede, Jehovah anam ikwọt ẹwọn̄ọ ẹto Akpa Nile emi. Mmọ ẹkeyọhọ kpukpru ebiet—ke mme usan̄ uyo, usan usan̄ uyo, ke bed mme owo—kpukpru ebiet. Ke mme ikwọt ẹkpade, mbon Egypt ẹtan̄ mmọ ẹbok ke ikpọ eboho, ndien ofụri isọn̄ etebe.

Ekem Aaron amia isọn̄ ke esan̄ esie, ndien obu akabade idan̄. Emi edi n̄ken̄e nduyịp ufe ẹdomde owo. Idan̄ emi ekedi ọyọhọ ufen ita ke isọn̄ Egypt.

Mme ufen eken ẹketụk mbon Egypt kpọt, idịghe mbon Israel. Ọyọhọ inan̄ ekedi ufen ikpọ nsụn̄ oro ẹkefede ẹdụk ufọk ofụri mbon Egypt. Ọyọhọ ufen ition ekebịne mme unam. Ediwak ufene ye erọn̄ ye ebot mbon Egypt ẹma ẹkpa.

Ke oro ẹbede, Moses ye Aaron ẹda usụk ntọn̄ ẹtop ke ofụm. Mmọ ẹnam idiọk ndọk ke idem mme owo ye mme unam. Emi ekedi ọyọhọ ufen itiokiet.

Ke oro ẹbede, Moses emenede ubọk ke enyọn̄, ndien Jehovah ọdọn̄ obuma ye edịm itiat. Oro ekedi ndiọk n̄kan edịm itiat akanam Egypt enyenede.

Ọyọhọ ufen itiaita ekedi akwa udịm n̄kukun̄kpọyọriyọ. Akanam owo ikwe utọ uwak n̄kukun̄kpọyọriyọ oro mbemiso, mme tọn̄ọde ini oro. Mmọ ẹma ẹta kpukpru se edịm itiat mikabiatke.

Ọyọhọ ufen usụkkiet ekedi ekịm. Mmakmak ekịm okofụk ofụri isọn̄ usen ita, edi nditọ Israel ẹma ẹnyene un̄wana ke ebietidụn̄ mmọ.

Ke akpatre, Abasi ọkọdọhọ ikọt esie ẹyet iyịp eyen ebot mme eyen erọn̄ ke obubọk usụn̄ mmọ. Ekem angel Abasi akasan̄a ebe ke Egypt. Ke angel okokụtde iyịp oro, enye ikowotke baba owo ke ufọk oro. Edi ke ofụri ufọk eken iyịp midụhe ke obubọk, angel Abasi ama owot ofụri akpa nditọ owo ye eke unam. Emi ekedi ọyọhọ ufen 10.

Ke akpatre ufen emi ama ekebe, Phar′aoh ọdọhọ nditọ Israel ẹnyọn̄. Ikọt Abasi ẹma ẹben̄e idem ndinyọn̄, ndien kpa okoneyo oro mmọ ẹtọn̄ọ isan̄ mmọ ẹwọrọ ke Egypt.

Exodus ibuot 7 osịm 12.



Mme Mbụme

  • Ke adade mme ndise oro ẹwụtde mi, tịn̄ ban̄a akpa ufen ita oro Jehovah ọkọnọde Egypt.
  • Didie ke akpa ufen ita emi ẹkekpụhọde ye mme ufen eken?
  • Nso ikedi ọyọhọ ufen inan̄, ition, ye itiokiet?
  • Tịn̄ ban̄a ọyọhọ ufen itiaba, itiaita, ye usụkkiet.
  • Nso ke Jehovah ọkọdọhọ nditọ Israel ẹnam mbemiso ọyọhọ ufen duop?
  • Nso ikedi ọyọhọ ufen duop, ndien nso iketịbe ke oro ebede?

Mme mbụme efen

Kpep N̄kpọ En̄wen

Abasi Ọdọn̄ Moses Utom ke Egypt

Moses ye Aaron ẹma ẹketịn̄ ikọ uko uko ye Pharaoh. Sion̄o mme n̄kpọ emi ẹnyụn̄ ẹtie nte ubon ẹkpep.