Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 27: Idiọk Edidem Akara Egypt

Mbụk 27: Idiọk Edidem Akara Egypt

IRENOWO emi ke ẹnyịk mme owo ẹnam utom. Sese owo oro amiade kiet ke otu mme anam utom oro ke ikpa! Mme anam utom oro ẹto ubon Jacob, ndien ẹkot mmọ nditọ Israel. Ndien mme andinyịk mmọ ẹnam utom ẹdi mbon Egypt. Nditọ Israel ẹkabade ifụn mbon Egypt. Emi akasan̄a didie otịbe?

Mbon Egypt ke ẹfịk nditọ Israel

Ke ata ediwak isua, akwa ubon Jacob ẹkedụn̄ ke emem ke Egypt. Joseph emi ekedide ata akpan owo ke Egypt, adianade Phar′aoh edidem ama ekpeme mmọ. Edi ekem, Joseph ama akpa. Ndien obufa Phar′aoh oro mikamaha mbon Israel akakabade edidem Egypt.

Ntre idiọk Phar′aoh emi anam mbon Israel ifụn. Ndien enye anam mme owo oro ẹdiọkde ẹnyụn̄ ẹbakde ibak ẹse mmọ. Mmọ ẹnyịk mbon Israel ẹnam utom ọkpọsọn̄, ẹbọp ikpọ obio ẹnọ Phar′aoh. Edi kpa ye oro, mbon Israel ẹkaiso ẹtọt ke ibat. Ibịghike, mbon Egypt ẹtọn̄ọ ndifehe ndịk nte nditọ Israel ẹyetịm ẹwak ẹnyụn̄ ẹkop odudu ẹkan.

Mbon Egypt ke ẹfịk nditọ Israel

Nte ọmọfiọk se Phar′aoh akanamde? Enye ama ọdọhọ iban oro ẹn̄wamde iban uman Israel ete: ‘Ana mbufo ẹwot kpukpru eyeneren oro ẹmande.’ Edi mmọ ẹkedi nti iban, ndien mmọ ikowotke nditọ oro.

Ntre Phar′aoh ọnọ ofụri ikọt esie ewuhọ emi: ‘Ẹtan̄ kpukpru nsek nditọ iren Israel ẹwot. Yak nsek nditọ iban kpọt ẹdu uwem.’ Nte oro ikedịghe enyene ndịk ewuhọ ndinọ? Yak ise nte ẹkenyan̄ade kiet ke otu nditọ iren oro.

Exodus 1:6-22.



Mme Mbụme

  • Ke ndise emi, anie owo akama ikpa oro, ndien anie ke enye amia?
  • Ke Joseph ama akakpa, nso iketịbe inọ nditọ Israel?
  • Ntak emi mbon Egypt ẹkefehede ndịk ẹban̄a nditọ Israel?
  • Nso ewụhọ ke Pharaoh ọkọnọ iban oro ẹkemụmde iban Israel uman?

Mme mbụme efen