Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 26: Job Ọbuọt Idem ye Abasi

Mbụk 26: Job Ọbuọt Idem ye Abasi

NTE OMOKOP mbọm ọnọ owo udọn̄ọ emi? Enye ekere Job, n̄ko n̄wan esie edi oro. Nte ọmọfiọk se enye ọdọhọde Job? ‘Sụn̄i Abasi nyun̄ kpa.’ Yak ise ntak enye ekpetịn̄de utọ ikọ oro, n̄ko ntak Job ọbọde ufen ntre.

Mbufụt ofụt Job

Job ekedi owo mbuọt- idem okopde uyo Jehovah. Enye okodụn̄ ke isọn̄ Uz, ekperede Ca′naan. Jehovah ama otịm ama Job, edi owo ama odu akasua- de enye. Nte ọmọfiọk owo oro?

Ekedi Satan kpa Devil. Ti, Satan edi idiọk angel oro asuade Jehovah. Enye ama ekeme ndinam Adam ye Eve ẹsọn̄ ibuot ye Jehovah, ndien enye ekekere nte iyekeme ndinam kpukpru owo eken ẹsọn̄ ibuot ye Jehovah n̄ko. Edi nte enye ama ekeme? Baba. Kam ti uwak iren ye iban mbuọtidem oro nnyịn ikpepde iban̄a. Ifan̄ ke afo ekeme ndisiak?

Ke Jacob ye Joseph ẹma ẹkekpa ke Egypt, Job ekedi owo oro ọbuọtde idem ye Jehovah akan ke ofụri isọn̄. Jehovah okoyom ndinam Satan ọfiọk ete enye idikemeke ndinam kpukpru owo ẹdiọk, ntre enye ete: ‘Se Job. Sese nte enye ọbuọtde idem ye ami.’

Satan ama afan̄a, ‘enye ọbuọt idem koro afo ọmọdiọn̄ enye ye uwak nti n̄kpọ. Edi kam men n̄kpọ emi fep, enye eyesụn̄i fi.’

Ntre Jehovah ete, ka iso. Tan̄ mmọ fep. Nam kpukpru idiọk afo oyomde ye Job. Nnyịn iyekụt mme enye eyesụn̄i mi. Edi kụt ete imọ iwotke enye.’

Akpa, Satan anam mbon n̄wo ẹdiyịp ofụri ufene, camel ye erọn̄ Job. Ndien enye owot nditọ esie 10, iren ye iban ke oyobio. Ekem, Satan ọtọ Job ata idiọk udọn̄ọ emi. Job ama ọbọ ufen ekese. Ntak edi oro n̄wan Job ọkọdọhọde enye: ‘Sụn̄i Abasi nyụn̄ kpa.’ Edi Job idinamke oro. N̄ko nsunsu ufan ita ẹma ẹdidọhọ ete enye okodu idiọk uwem. Edi Job ama osụk ọbuọt idem.

Emi ama enem Jehovah etieti. Ndien ekem enye ama ọdiọn̄ Job, nte afo okụtde ke ndise emi. Enye ọkọkọk udọn̄ọ esie. Job ama enyene ndiye nditọ 10 efen, erọn̄ ye camel ye ufene ẹwakde utịm ikaba, ẹkan akpa.

Nte afo eyebuọt idem ye Jehovah kpukpru ini nte Job? Ke afo anamde, Abasi eyediọn̄ fi n̄ko. Afo eyekeme ndidu ke nsinsi ke ini edinamde ofụri isọn̄ eye nte in̄wan̄ Eden.

Job 1:1-22; 2:1-13; 42:10-17.

Job ye ubon esie


Mme Mbụme

  • Anie ekedi Job?
  • Nso ke Satan okodomo ndinam, edi nte enye ama ekeme?
  • Nso ke Jehovah ekenyịme Satan anam, ndien ntak-a?
  • Ntak emi n̄wan Job ọkọdọhọde enye ‘osụn̄i Abasi onyụn̄ akpa’? (Se ndise.)
  • Nte ekemede ndikụt ke ọyọhọ ndise iba, didie ke Jehovah ọkọdiọn̄ Job, ndien ntak-a?
  • Mme edidiọn̄ ewe ke nnyịn idibọ edieke ibuọtde idem ye Jehovah ukem nte Job?

Mme mbụme efen

Kpep N̄kpọ En̄wen

Kad Mbre Bible Aban̄ade Job

Uwụtn̄kpọ Job anam nnyịn ikeme ndiyọ idomo ekededi oro isobode. Sion̄o kad mbre Bible emi da kpep n̄kpọ ban̄a emi.