Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 18: Jacob Aka Haran

Mbụk 18: Jacob Aka Haran

NTE ỌMỌFIỌK mmọ emi Jacob etịn̄de ikọ ọnọ? Ke ama akasan̄a ediwak usen, Jacob okosịm mmọ ke obube mmọn̄. Mmọ ẹkekpeme mme erọn̄ mmọ. Jacob ama obụp: ‘Mbufo ẹto mmọn̄?’

Mmọ ẹbọrọ ete, ‘Ha′ran.’

Jacob ama obụp, ‘Nte ẹmefiọk La′ban?’

‘Ih,’ mmọ ẹma ẹbọrọ. ‘Sese eyen esie an̄wan Rachel ke edi ye otu erọn̄ esie.’ Nte afo omokụt Rachel do edide anyan usụn̄?

Jacob osobo ye Rachel

Ke Jacob okụtde Rachel ye mme erọn̄ eyeneka eka esie La′ban, enye akakpat itiat efep ke obube mmọn̄ man erọn̄ ẹn̄wọn̄ mmọn̄. Ndien Jacob ama otịm Rachel inua onyụn̄ asian enye owo oro imọ idide. Esịt ama otịm enem enye, ndien enye ama ọnyọn̄ eketịn̄ ọnọ ete esie La′ban.

Esịt ama enem La′ban etieti ndiyak Jacob odụn̄ ye enye. N̄ko ke Jacob ekeben̄ede ndidọ Rachel, La′ban ama enem esịt. Nte ededi, enye ọkọdọhọ Jacob anam utom ke in̄wan̄ esie isua itiaba aban̄a Rachel. Koro enye akamade Rachel akaha, Jacob ama anam emi. Edi ke osịmde ini ndọ, nte ọmọfiọk se iketịbede?

La′ban emen adiaha esie Le′ah ọnọ Jacob utu ke Rachel. Ke Jacob ama okonyịme ndinam utom nnọ La′ban isua itiaba efen, La′ban ama ọnọ enye Rachel n̄ko nte n̄wan. Ke ini oro, Abasi ama ayak mme owo ẹnyene n̄wan ẹkan kiet. Edi idahaemi, nte Bible owụtde, ana owo enyene n̄wan kiet kpọt.

Genesis 29:1-30.



Mme Mbụme

  • Ekpri eyenan̄wan emi ke ndise edi anie, ndien nso ke Jacob akanam ọnọ enye?
  • Nso ke Jacob ekenyịme ndinam man ọdọ Rachel?
  • Nso ke Laban akanam ke osịmde ini Jacob ndidọ Rachel?
  • Nso ke Jacob ekenyịme ndinam man osụk ọdọ Rachel?

Mme mbụme efen