Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 17: Amaniba Emi Ẹkedide Isio

Mbụk 17: Amaniba Emi Ẹkedide Isio
Esau

NDITỌ iren iba emi ẹtịm ẹdi isio, nte idịghe? Nte afo ọmọfiọk enyịn̄ mmọ? Otop utop oro edi E′sau, ndien eyen oro ekpemede erọn̄, edi Jacob.

E′sau ye Jacob ẹkedi amaniba nditọ Isaac ye Re·bek′ah. Ete oro Isaac ama ama E′sau etieti, koro enye ekedi eti ata utop, ndien eyenam ufọk enyene unam ndita. Edi Re·bek′ah akama Jacob akan koro enye ekedi sụn̄sụn̄ eyen emem.

Abraham ete ete ke okosụk odu uwem, ndien nnyịn imekeme ndikere nte Jacob akamade ndikop enye etịn̄de aban̄a Jehovah. Abraham ama akpa ke ọsọn̄de isua 175, ke amaniba oro ẹkedide isua 15 ke emana.

Ke E′sau ama okosịm isua 40, enye ama ọdọ iban iba oto isọn̄ Ca′naan. Emi akanam Isaac ye Re·bek′ah ẹfuhọ etieti, koro iban emi ikokponoke Jehovah.

Ekem, usen kiet, n̄kpọ ama otịbe oro akanamde E′sau ayat esịt etieti ye eyeneka esie Jacob. Ini ama edi ọnọ Isaac ndinọ n̄kpon n̄kan eyen esie eridiọn̄. Sia E′sau ọkọsọn̄ọde Jacob, E′sau ekekere ndibọ eridiọn̄ oro. Edi E′sau ama ebemiso anyam unen edibọ eridiọn̄ oro ọnọ Jacob. N̄ko ke ini nditọ iren iba oro ẹkemanade, Abasi ama ọdọhọ ete Jacob edibọ eridiọn̄ oro. Ndien emi edi se ikotịbede. Isaac ama ọnọ eyen esie Jacob eridiọn̄ oro.

Jacob

Ke ukperedem, ke ini E′sau ọfiọkde aban̄a emi, esịt ama ayat enye aban̄a Jacob. Esịt ama ayat enye tutu enye ọdọhọ ete iyewot Jacob. Ke Re·bek′ah okopde, esịt ama otịmede enye etieti. Ntre enye ọkọdọhọ Isaac ebe esie ete: ‘Eyetịm ọdiọk edieke Jacob n̄ko ọdọde kiet ke otu nditọ iban Ca′naan emi.’

Ke oro, Isaac ama okot eyen esie Jacob ete: ‘Kudọ eyen an̄wan otode Ca′naan. Utu ke oro, ka ufọk ete uka Be·thu′el ke Ha′ran. Dọ kiet ke otu nditọ iban eyen esie Laban.’

Jacob ama okop uyo ete esie, ndien ke usop ọkọtọn̄ọ anyan isan̄ ndika ọtọ oro iman esie ẹkedụn̄de ke Ha′ran.

Genesis 25:5-11, 20-34; 26:34, 35; 27:1-46; 28:1-5; Mme Hebrew 12:16, 17.



Mme Mbụme

  • Esau ye Jacob ẹkedi mmanie, ndien didie ke mmọ ẹkedi isio?
  • Esau ye Jacob ẹkedi isua ifan̄ ke ini Abraham, ete ete mmọ akpade?
  • Nso ke Esau akanam emi akanamde ete ye eka esie ẹfụhọ etieti?
  • Ntak emi Esau akayatde esịt etieti ye eyeneka esie Jacob?
  • Nso item ke Isaac ọkọnọ Jacob eyen esie?

Mme mbụme efen

Kpep N̄kpọ En̄wen

Jacob, Esau, ye Lentil

Kpep n̄kpọ ban̄a Jacob ye Esau! Sio mbre ndise emi mịn̄, sịn kọlọ.