Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 15: N̄wan Lot Ese Edem

Mbụk 15: N̄wan Lot Ese Edem

LOT ye ubon esie ẹkedụn̄ ọtọkiet ye Abraham ke isọn̄ Ca′naan. Usen kiet Abraham ama ọdọhọ Lot ete: ‘Isọn̄ mi ikemke kpukpru mme unam nnyịn. Mbọk yak nnyịn idianade. Edieke afo akade n̄kan̄ kiet, ami nyeka n̄kan̄ eken.’

Lot ama ese ofụri isọn̄. Enye ama okụt ata ediye ubak obio oro enyenede mmọn̄ ye ediwak mbiet ọfọnde ọnọ mme unam. Emi ekedi unaisọn̄ Jordan. Ntre Lot ama ada ubon esie ye mme unam ọnyọn̄ do. Mmọ ke akpatre ẹma ẹnam obio Sod′om ebietidụn̄ mmọ.

Mbon Sod′om ẹma ẹnen̄ede ẹdiọk. Emi ama afịna Lot koro enye ekedi eti owo. Ama afịna Abasi n̄ko. Ke akpatre, Abasi ama ọdọn̄ angel iba ẹketọt Lot ete ke imo iyesobo Sod′om ye n̄kpet n̄kpet obio Go·mor′rah ke ntak idiọk mmọ.

Mme angel ẹkedọhọ Lot: ‘Sọp! Da n̄wan fo ye nditọ iban fo iba ndien wọrọ ke ebiet emi!’ Lot ye ubon esie ẹma ẹduọn esịt ndiwọrọ, ntre mme angel oro ẹmụm mmọ ke ubọk ẹda ẹwọrọ ke obio. Ndien kiet ke otu mme angel ọkọdọhọ: ‘Ẹfehe ẹban̄a uwem mbufo! Ẹkuse edem. Ẹfehe ẹka mme obot, mbak ẹdiwot mbufo.’

Lot ye nditọ iban esie ẹma ẹkop uyo ẹnyụn̄ efen̄e ẹkpọn̄ Sod′om. Mmọ ikatuakke ida ndomo esisịt, ikonyụn̄ isehe edem. Edi n̄wan Lot ama otụt utọn̄. Ke mmọ ẹma ẹkekpọn̄ Sod′om esịt, enye ama atuak ada onyụn̄ ese edem. Do n̄wan Lot ama akabade adaha inụn̄. Nte emekeme ndikụt enye ke ndise?

Nnyịn imekeme ndikpep eti ukpepn̄kpọ nto emi. Owụt nnyịn ete Abasi anyan̄a mmọ oro ẹkopde uyo esie, edi mmọ oro mikopke uyo esie ẹyeduọk uwem mmọ.

Genesis 13:5-13; 18:20-33; 19:1-29; Luke 17:28-32; 2 Peter 2:6-8.

Lot efehe ọkpọn̄ Sodom


Mme Mbụme

  • Ntak emi Abraham ye Lot ẹkedianarede?
  • Ntak emi Lot ekemekde ndidụn̄ ke Sodom?
  • Mbon Sodom ẹketie didie?
  • Nso ntọt ke angel iba ẹkenọ Lot?
  • Ntak emi n̄wan Lot akakabade adaha inụn̄?
  • Nso ke nnyịn ikeme ndikpep nto se iketịbede inọ n̄wan Lot?

Mme mbụme efen

Kpep N̄kpọ En̄wen

N̄wan Lot Akabade Adaha Inụn̄

Kot mbụk Bible emi nyụn̄ tọn̄ọ ke akpa ntọi dụri udịm kesịm akpatre ntọi. Nso ke ekeme ndikpep nto se iketịbede inọ n̄wan Lot?

Lot ye Ikọtufọk Esie—Ndise Mbụk Bible

Sio n̄kpọ emi ke Intanet da se se ekemede ndikpep nto Lot ye ikọtufọk esie.