Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 12: Mme Owo Ẹbọp Akwa Tower

Mbụk 12: Mme Owo Ẹbọp Akwa Tower

EDIWAK isua ẹma ẹbe. Nditọ Noah ẹma ẹnyene ediwak nditọ. Nditọ mmọ ẹkọri ẹnyụn̄ ẹnyene ediwak nditọ efen. Ibịghike ediwak owo ẹma ẹdu ke isọn̄.

Kiet ke otu mmọ emi ekedi eyen eyeyen Noah ẹkekotde Nim′rod. Enye ekedi idiọk owo emi ekebịnde ikọt owot mme unam ye mme owo. Nim′rod n̄ko ama anam idemesie edidem ndikara mbon efen. Abasi ikaman̄a Nim′rod.

Kpukpru owo ini oro ẹkesem usem kiet. Nim′rod okoyom ndinịm mmọ kpukpru ọtọkiet man ekeme ndikara mmọ. Ntre nte ọmọfiọk se enye akanamde? Enye ama ọdọhọ mme owo ẹbọp obio ye akwa tower ke esịt. Se mmọ ke ndise nte ẹnamde brik.

Esịt ikenemke Jehovah Abasi ye ubọp ufọk emi. Abasi okoyom mme owo ẹwọrọ ẹkedụn̄ ke ofụri iso isọn̄. Edi mme owo ẹkedọhọ: ‘Edi! Ẹyak ibọp obio inọ idem nnyịn, ye tower eke etịn̄e esie osịmde ke enyọn̄. Do nnyịn iyewọrọ etop!’ Mme owo ẹkeyom ukpono ẹnọ idem mmọ, idịghe Abasi.

Ntre, Abasi ama anam mmọ ẹtre ndibọp tower oro. Nte ọmọfiọk nte enye akanamde? Ke ndinam mme owo ẹtịn̄ nsio nsio usem ini kiet utu ke kiet kpọt. Mme andibọp ikekemeke ndikop aba se kiet eken etịn̄de. Oro edi ntak ekedikotde obio mmọ Ba′bel mme Babylon, ọwọrọde “Ndutịme.”

Mme owo ndien ẹma ẹtọn̄ọ ndiwọrọ n̄kpọn̄ Ba′bel. Otu mme owo ẹketịn̄de ukem usem ẹma ẹka ẹkedụn̄ ọtọkiet ke mbak isọn̄ efen.

Genesis 10:1, 8-10; 11:1-9.

Mme owo ke ẹbọp akwa tower


Mme Mbụme

  • Anie ekedi Nimrod, ndien didie ke Abasi ekese enye?
  • Ke ndise emi, ntak emi mme owo ẹkenamde brik?
  • Ntak esịt mîkenemke Jehovah iban̄a utom ubọp ufọk emi?
  • Nso ke Abasi akanam man ẹtre ndibọp tower oro?
  • Ẹkekot obio oro didie, ndien nso ke enyịn̄ oro ọwọrọ?
  • Nso iketịbe inọ mme owo ke Abasi ama eketịmede usem mmọ?

Mme mbụme efen