Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Ikpehe 2: Ukwọ tutu osịm Edifak nsio ke Egypt

Ikpehe 2: Ukwọ tutu osịm Edifak nsio ke Egypt

Owo itiaita kpọt ẹkebọhọ ukwọ oro, edi nte ini akade, mmọ ẹma ẹkọri ẹsịm ediwak tọsịn. Ekem isua 352 ke ukwọ ama ekebe, Abraham ama amana. Nnyịn iyekpep nte Abasi okonịmde un̄wọn̄ọ esie ke ndinọ Abraham eyeneren ẹkekotde Isaac. N̄ko, kotu nditọ Isaac iba, Abasi ama emek Jacob.

Jacob ama enyene akamba ubon eke nditọ iren 12 ye ndusụk nditọ iban. Nditọ iren Jacob 10 ẹma ẹsua ekpri eyenete mmọ Joseph ẹnyụn̄ ẹnyam enye nte ofụn ke Egypt. Ke ukperedem, Joseph ama akabade edi ata akpan andikara ke Egypt. Ke ini idiọk akan̄ ekedide, Joseph ama odomo nditọ ete esie ndise mme mmọ ẹma ẹkabade esịt. Ke akpatre, ofụri ubon Jacob, nditọ Israel, ẹma ẹkedụn̄ ke Egypt. Emi okotịbe ke isua 290 ama ekebe nte Abraham akamana.

Ke isua 215 efen, nditọ Israel ẹma ẹdụn̄ ke Egypt. Ke Joseph ama akakpa, mmọ ẹkabade edi ifụn do. Ekem, Moses ama amana, ndien Abasi akada enye ndifak nditọ Israel nsio ke Egypt. Ke ofụri ofụri, Ikpehe IBA esịne mbụk isua 857.

Ubon Jacob ẹwọrọ ẹka Egypt