Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 7: Eren Uko

Mbụk 7: Eren Uko
Enoch

NTE ibat owo ọkọtọn̄ọde ndikọri ke isọn̄, ekese mmọ ẹma ẹnam idiọkn̄kpọ nte Cain. Edi eren kiet ama ọkpuhọde. Enye edi eren emi ẹkotde E′noch. E′noch ekedi eren uko. Mme owo ẹkande enye ẹkuk ẹkenam mme ata idiọkn̄kpọ, edi E′noch akaiso anam n̄kpọ ọnọ Abasi.

Nte ọmọfiọk ntak mme owo ke ini oro ẹkenamde ekese idiọkn̄kpọ? Ọfọn, kere, anie akanam Adam ye Eve ẹsọn̄ ibuot ye Abasi ẹnyụn̄ ẹdia mfri oro Abasi ọkọdọhọde mmọ ẹkudia? Ih, ekedi idiọk angel. Bible okot enye Satan. Ndien enye ke odomo ndinam ofụri owo ẹdiọk.

Uyịpinọ ye uwotowo

Usen kiet Jehovah Abasi ama anam E′noch asian mme owo se mmọ mikoyomke ndikop. Ekedi ntem: ‘Usen kiet Abasi eyesobo kpukpru mme idiọk owo.’ Ekeme ndidi esịt ama otịm ayat mme owo ndikop oro. Ndusụk, mmọ ẹma ẹdomo ndiwot E′noch. Ntre okoyom E′noch otịm enyene uko man ekeme ndisian mme owo se Abasi okoyomde ndinam.

Abasi ikayakke E′noch odu uwem ebịghi ye mme idiọk owo oro. E′noch okodu uwem isua 365 kpọt. Ntak nnyin idọhọde “isua 365 kpọt”? Koro mme owo ini oro ẹma ẹsọn̄ idem ẹkan idahaemi ẹnyụn̄ ẹdu uwem ẹbịghi ẹkan. Kam se, Me·thu′se·lah, eyen E′noch ama odu uwem osịm isua 969!

Mme owo ke ẹnam ndiọi n̄kpọ

Nte ededi, ke E′noch ama akakpa, mme owo ẹma ẹtịm ẹdiọk ẹkan. Bible ọdọhọ ete ‘ofụri ekikere mmọ ẹkedi idiọk kpukpru ini’ ndien n̄ko ‘isọn̄ akabade ọyọhọ ye afai.’

Nte afo ọmọfiọk ntak kiet ntịme ọkọyọhọde ntre ke isọn̄ ke mme usen oro? Edi koro Satan ama enyene obufa usụn̄ ndinam mme owo ẹnam idiọkn̄kpọ. Nnyịn imọn̄ ikpep iban̄a emi.

Genesis 5:21-24, 27; 6:5; Mme Hebrew 11:5; Jude 14, 15.



Mme Mbụme

  • Didie ke Enoch ọkọkpụhọde ye mbon en̄wen?
  • Ntak oro mme owo ke eyo Enoch ẹkenamde ekese idiọkn̄kpọ?
  • Nso ndiọi n̄kpọ ke mme owo ẹkenam? (Se ndise.)
  • Ntak okoyomde Enoch enyene uko?
  • Mme owo ẹkesidu uwem ebịghi adan̄a didie ini oro, edi Enoch okodu uwem isua ifan̄?
  • Nso iketịbe ke Enoch ama akakpa?

Mme mbụme efen

  • Kot Genesis 5:21-24, 27.

    Nso utọ itie ebuana ke Enoch ekenyene ye Jehovah? (Gen. 5:24)

    Nte Bible etịn̄de, anie odu uwem ebịghi akan, ndien enye ekedi isua ifan̄ mbemiso akpade? (Gen. 5:27)

  • Kot Genesis 6:5.

    Isọn̄ ọkọdiọk adan̄a didie ke Enoch ama akakpa, ndien nso ukem idaha oro idu ke eyo nnyịn? (2 Tim. 3:13)

  • Kot Mme Hebrew 11:5.

    Ewe edu Enoch ‘eketịm enem Abasi esịt,’ ndien nso ikedi utịp? (Gen. 5:22)

  • Kot Jude 14, 15.

    Didie ke mme Christian mfịn ẹkeme ndinyene uko nte Enoch ke ini ẹtọtde mme owo ẹban̄a ekọn̄ Armageddon oro edide? (2 Tim. 4:2; Heb. 13:6)