Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 6: Eti Eyeneren ye Idiọk

Mbụk 6: Eti Eyeneren ye Idiọk

SESE Cain ye Abel idahaemi. Mmọ mbiba ẹkpon ẹma. Cain akabade edi ọtọ in̄wan̄. Enye ọtọ mme n̄kpasịp ye mfri ye mme ikọn̄.

Cain ye Abel ẹwa uwa ẹnọ Abasi

Abel akabade edi ọbọk erọn̄. Enye ama ndikpeme n̄kpri erọn̄. Mmọ ẹkọri ẹkabade ikpọ erọn̄, ndien Abel akabade enyene ofụri otu erọn̄ ndikpeme.

Usen kiet, Cain ye Abel ẹda enọ ẹsọk Abasi. Cain ada ndusụk udia oro enye ọkọtọde. Ndien Abel ada ata eti erọn̄ esie edi. Jehovah ẹnem esịt ye Abel ye enọ esie. Edi inemke esịt ye Cain ye enọ esie. Nte afo ọmọfiọk ntak?

Idịghe kpasụk koro enọ Abel ọfọnde akan eke Cain. Edi koro Abel edi eti owo. Enye ama Jehovah ye eyeneka esie. Edi Cain ọdiọk; enye imaha eyeneka esie.

Ntre Abasi ọdọhọ Cain ọkpuhọre mme usụn̄ esie. Edi Cain ikpan̄ke utọn̄. Enye otịm ayat esịt koro Abasi ama Abel akan. Ntre Cain ọdọhọ Abel, ‘Yak nnyịn ika in̄wan̄.’ Do, ke mmọ ẹdude ikpọn̄, Cain amia eyeneka esie Abel. Enye otịm amia enye ọsọn̄ tutu owot enye. Nte oro ikedịghe enyene ndịk n̄kpọ Cain ndinam?

Cain efehe ke ama okowot Abel

Okposụk Abel akakpade, Abasi ke eteti enye. Abel ama ọfọn, ndien Jehovah isifreke utọ owo ntre. Ntre usen kiet, Jehovah eyefiak anam Abel edidu uwem. Ke ini oro, Abel idinyeneke ndikpa aba. Enye eyekeme ndidu uwem nsinsi mi ke isọn̄. Nte idifọnke ndidiọn̄ọ mme owo nte Abel?

Edi Abasi inemke esịt ye mme owo nte Cain. Ntre ke ini Cain okowotde eyeneka esie, Abasi ama ọnọ enye ufen ke ndidọn̄ enye aka anyan ọkpọn̄ ubon esie. Ke ini Cain akakade okodụn̄ ke ubak isọn̄ efen, enye akada eyeneka esie an̄wan kiet ndien enye akakabade n̄wan esie.

Ekem, Cain ye n̄wan esie ẹma ẹtọn̄ọ ndinyene nditọ. Nditọ iren ye iban Adam ye Eve eken ẹma ẹdọ ndọ, mmọ n̄ko ẹkenyene nditọ. Ibịghike, ediwak owo ẹma ẹdu ke isọn̄. Yak nnyịn ikpep iban̄a ndusụk mmọ.

Genesis 4:2-26; 1 John 3:11, 12; John 11:25.



Mme Mbụme

  • Nso idi ubọkutom Cain ye Abel?
  • Nso enọ ke Cain ye Abel ẹda ẹsọk Jehovah?
  • Ntak emi Jehovah enemde esịt ye enọ Abel, ndien ntak emi enye mînemke esịt ye enọ Cain?
  • Nso utọ owo ke Cain edi, ndien didie ke Jehovah odomo ndinen̄ede enye?
  • Nso ke Cain anam ke ini enye odude ikpọn̄ ye eyeneka esie ke in̄wan̄?
  • Tịn̄ se iketịbede inọ Cain ke enye ama okowot eyeneka esie.

Mme mbụme efen

Kpep N̄kpọ En̄wen

Nso ke Nnyịn Ikeme Ndikpep Nto Cain ye Abel?

Mịn̄ ndise emi, kot mme ufan̄ikọ Bible oro, ekem dọn̄ ikọ oro mîdụhe.

Abel—“Although He Died, Yet Speaks”

What can we learn about Abel and his faith when so little is said about him in the Bible?