Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Mbụk 2: Ediye In̄wan̄

Mbụk 2: Ediye In̄wan̄

SESE isọn̄ emi! Kpukpru n̄kpọ ẹye didie! Sese mbiet ye mme eto, mme frawa ye kpukpru unam. Nte emekeme ndiwụt enịn ye lion?

Mme unam ke in̄wan̄ Eden

Didie ke utọ ediye in̄wan̄ emi ekedidu? Ọfọn, yak ise nte Abasi okotịmde isọn̄ ọnọ nnyịn.

Akpa, Abasi akanam awawa mbiet ofụk isọn̄. Ndien enye ama anam ediwak orụk n̄kpri eto ye ikọt ye ikpọ eto. Mme n̄kpọ ẹkọride ntem ẹnam isọn̄ eye. Edi mmọ ẹnam se ikande oro. Ediwak mmọ n̄ko ẹnọ nnyịn udia otịm enemde.

Abasi ndien ama anam iyak ẹsan̄a ke mmọn̄ ye mme inuen ẹfe ke enyọn̄. Enye ama anam mme ebua, mme an̄wa ye mme ass; ikpọ ye n̄kpri unam. Nso unam ẹdụn̄ ẹkpere ufọk mbufo? Nte nnyịn ikpadarake nte Abasi ama anam kpukpru n̄kpọ emi ọnọ nnyịn?

Ke akpatre, Abasi ama anam ubak isọn̄ kiet edi ata akpan itie. Enye okokot itie emi in̄wan̄ Eden. Enye ama ọfọn ama. Kpukpru n̄kpọ ke enye ẹkedi uyai uyai. Ndien Abasi okoyom ofụri isọn̄ akabade etie nte ediye in̄wan̄ emi enye akanamde.

Edi fiak se ndise in̄wan̄ emi. Nte afo ọmọfiọk se Abasi okokụtde nte ananade? Yak nnyịn ise.

Genesis 1:11-25; 2:8, 9.



Mme Mbụme

  • Didie ke Abasi eketịm isọn̄ man edi ebietidụn̄ nnyịn?
  • Tịn̄ ban̄a nsio nsio orụk unam oro Abasi okobotde. (Se ndise.)
  • Ntak emi in̄wan̄ Eden ekedide n̄wọrọnda?
  • Abasi okoyom ofụri isọn̄ akabade etie nte nso?

Mme mbụme efen

  • Kot Genesis 1:11-25.

    Nso ke Abasi okobot ke ọyọhọ usen edibotn̄kpọ ita? (Gen. 1:12)

    Nso iketịbe ke ọyọhọ usen edibotn̄kpọ inan̄? (Gen. 1:16)

    Nso orụk unam ke Abasi okobot ke ọyọhọ usen ition ye itiokiet? (Gen. 1:20, 21, 25)

  • Kot Genesis 2:8, 9.

    Ewe n̄wọrọnda eto iba ke Abasi ọkọtọ ke in̄wan̄ oro, ndien nso ke mmọ ẹkeda ẹban̄a?