Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wed Mi eke Mme Mbụk Bible

Ikpehe 1: Edibot N̄kpọ Tutu Osịm Ukwọ

Ikpehe 1: Edibot N̄kpọ Tutu Osịm Ukwọ

Mmọn̄ ke enyọn̄ ye isọn̄ ẹketo ẹdidu? Didie ke utịn, ọfiọn̄ ye mme ntantaọfiọn̄ ye uwak mme n̄kpọ ke isọn̄, ẹkedidu? Bible ọnọ ibọrọ akpanikọ ke ini enye ọdọhọde ete ke Abasi okobot mmọ. Ntre n̄wed nnyịn ọtọn̄ọ ye mbụk Bible aban̄ade edibot n̄kpọ.

Akpa mme edibot n̄kpọ Abasi, nte nnyịn ifiọkde, ẹkedi mme owo spirit ẹkade ndibiet enye ke idemesie. Mmọ ẹkedi mme angel. Edi ẹkebot isọn̄ ẹnọ mme owo nte nnyịn. Ntre, Abasi ama anam erenowo ye n̄wan ẹkekotde Adam ye Eve onyụn̄ esịn mmọ ke ediye in̄wan̄. Edi mmọ ẹma ẹsọn̄ ibuot ye Abasi ẹnyụn̄ ẹtaba unen ndikaiso ndu uwem.

Ke ofụri ofụri, tọn̄ọde ke edibot Adam tutu osịm akwa ukwọ oro, ekedi mme isua 1,656. Ke ufọt ini emi, ediwak mme idiọk owo ẹma ẹdu. Ke heaven mme owo spirit oro enyịn mikwe ẹma ẹdu, Satan ye mme idiọk angel esie. Ke isọn̄, Cain ye ediwak mme idiọk owo eken ẹma ẹdu, ọkọrọ ye isen isen ata n̄kpọsọn̄ owo. Edi nti owo ẹma ẹdu n̄ko ke isọn̄—Abel, Enoch ye Noah. Ke Ikpehe KIET, nnyịn iyekot iban̄a kpukpru mme owo emi ye mme n̄kpọ ntịbe.

Mme unam ke in̄wan̄ Eden