Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2016

 INDONESIA

N̄kakpaha ke Ini En̄wan Communist

Ronald Jacka

N̄kakpaha ke Ini En̄wan Communist
  • AKAMANA KE 1928

  • ANA BAPTISM KE 1941

  • Ama edi asan̄autom n̄kọk itieutom Indonesia ebe isua 25.

KE TỤHI TỤHI usenubọk October 1, 1965, mbonekọn̄ mbon Indonesian Communist Party (PKI) ẹma ẹwot ata ikpọ mbonekọn̄ itiokiet ẹnyụn̄ ẹdomo ndibọ ukara. Ukara ẹma ẹsọsọp ẹdaha ẹda ẹnyụn̄ ẹwot ediwak owo. Ẹdọhọ ke ẹma ẹduọk iyịp n̄kpọ nte owo 500,000 emi ẹkedade nte mbon communist.

Urua ifan̄ ke n̄kpọ ama ọkọbọhọ mbon communist abiara, akwa owoekọn̄ kiet ama ọdọhọ mi ke enyịn̄ mi ekedi akpa ke otu ikpọ owo ufọkabasi emi mbon communist ẹkeduakde ndiwot. Enye ama ọdọhọ ndi yak imen mi ikowụt udi emi ẹkeyomde ndibụk mi, mma ndọhọ enye ukpono ukpono yak osion̄o idem ọkpọn̄. Ke ini oro ẹkenyan̄ade ukara do, n̄koyomke ndisan̄a ye enye mbak mme owo ẹdikere ke mmetiene nsịn idem ke ukara.