Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2016

 INDONESIA

Enye Ekenen̄ede Ama N̄kpọ Abasi

Thio Seng Bie

Enye Ekenen̄ede Ama N̄kpọ Abasi
  • AKAMANA KE 1906

  • ANA BAPTISM KE 1937

  • Ebiowo emi akakade iso anam n̄kpọ Abasi kpa ye oro ẹkekọbọde enye ke ntak idụt emi enye otode.—Thio Sioe Nio eyen esie ọnọ mbụk emi.

KE May 1963, ẹma ẹtọn̄ọ ntịme ke West Java ẹte yak mbon China ẹnyọn̄ọ. Nnyịn ikodụn̄ ke Sukabumi, ima inyụn̄ inyene ikpọ moto mbiomo emi ẹkesikamade ẹwat usụn̄. Ntịme ekenen̄ede ọsọn̄ ubọk ke obio oro. Ata ediwak mbon ntịme, esịnede ndusụk mbọhọidụn̄ nnyịn, ẹma ẹdibom usụn̄ufọk nnyịn ẹdụk. Ndịk ama anam nnyịn ifehe ikọkọhọ itie kiet ke ini mmọ ẹkesụk ẹbiatde n̄kpọ ẹnyụn̄ ẹtan̄de n̄kpoduoho nnyịn.

Ke mmọ ẹma ẹkenyọn̄ọ, mme mbọhọidụn̄ eken ẹma ẹdidọn̄ nnyịn esịt. Ete mi ama eketie ye mmọ ke ufọtufọk. Enye ama okụt akamba Bible Sundanese esie ke otu n̄kpọ nnyịn emi ẹkesuande onyụn̄ ada enye owụt mmọ ke ẹma ẹtetịn̄ ke utọ n̄kpọ oro eyetịbe. Enye ama anam mmọ ẹdiọn̄ọ nti n̄kpọ emi Obio Ubọn̄ Abasi edinamde.

Ete mi ikamaha inyene ererimbot emi. Enye ama esiwak ndidọhọ nnyịn: “Yak n̄kpọ Abasi edi ata akpan n̄kpọ ọnọ mbufo.” Eti uwụtn̄kpọ esie akanam eka mi, nditọeka mi ition, ete ete mi emi ekedide isua 90, mme iman, ye mme mbọhọidụn̄ nnyịn ẹdifiọk akpanikọ.

Kpep N̄kpọ En̄wen

Nso ke Bible Etịn̄ Aban̄a Asari?

Ndi kpukpru orụk ẹdi ukem ukem? Ndi asari eyetre tutu amama?