Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2016

Ibuotikọ Isua 2016

“Ẹyak ima nditọete mbufo osụk akaka iso.”—Mme Hebrew 13:1

Ibuotikọ Isua 2016

Bible ọkọdọhọ ke ‘ediwak owo ẹyesua kiet eken, ke ima ediwak owo eyebịt.’ (Matt. 24:10, 12) Prọfesi Jesus emi okowụt ke mbon oro ẹdidude uwem mbemiso isua 70 C.E. emi ẹdisobode Jerusalem idinyeneke ima aba. Edi mbet Jesus iditiehe ntre. Mmọ ẹyema kiet eken tutu mme owo ẹda oro ẹdiọn̄ọ mmọ. (John 13:35) Ama enem nditọ Hebrew  emi ẹkedide Christian ẹnyụn̄ ẹdụn̄de ke Jerusalem ke ini Paul ekewetde ọdọhọ yak mmọ ẹka iso ẹma kiet eken, sia ikọ esie okowụt ke enye ọdiọn̄ọ ke mmọ ẹma kiet eken etieti!

Ẹmọn̄ ẹsosobo ererimbot Satan emi. Nnyịn idụn̄ ye mme owo emi ẹmade okụk, ẹmade udia uwem, ẹmade idemmọ, ẹnyụn̄ ẹnyenede ata esisịt ima ẹnọ Abasi ye mbọhọidụn̄ mmọ. Nditọete nnyịn ke eyo mme apostle ẹkenyụn̄ ẹdụn̄ ye utọ mme owo oro. (2 Tim. 3:1-4) Kpa ye oro, Mme Ntiense Jehovah ke ofụri ererimbot ẹma idemmọ ata etieti. Ẹyak ika iso ima nditọete nnyịn man inọ Jehovah ubọn̄, sia enye edi ima.