Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2016

Australia: Vidio Anie Edi Ata Ufan?

 NTE ẸKWỌRỌDE IKỌ ẸNYỤN̄ ẸNỌDE UKPEP KE OFỤRI ISỌN̄

Oceania

Oceania
  • IDỤT 29

  • IBATOWO 40,642,855

  • MME ASUANETOP 98,353

  • UKPEPN̄KPỌ BIBLE 66,022

Enye Ikokopke Ndịk

Enyene eyen isua 12 emi ekerede Emily ke Australia. Usen kiet titia mmọ ama ekpep ke ọfọn owo enyene nti ufan. Emi ama anam Emily owụt enye vidio emi, Anie Edi Ata Ufan? Titia mmọ ama emen vidio oro edibre ọnọ nditọ klas mmọ; vidio oro ama enem mmọ tutu. Ke ẹma ẹkebre ẹma, mmọ ẹma ẹda hour kiet ẹneme se mmọ ẹkpepde. Titia oro ama emen vidio oro ekebre  ke nsio nsio klas. Emily ama onyụn̄ owụt titia mmọ ye nditọ klas mmọ jw.org. Enye ọdọhọ ete: “Jehovah akanam nnyene uko n̄wụt ediwak nditọ ufọkn̄wed nnyịn jw.org. Enye enen̄ede ọdiọn̄ mi.”

Ẹka Itie Unyamurua ke Ata Anyan Usụn̄

Mme asuanetop ition ẹma ẹkenịm ukpatn̄kpọ emi ẹsidọn̄de n̄wed nnyịn ẹkwọrọ ikọ ke itie unyamurua ke Suai ke Timor-Leste. Akada mmọ hour usụkkiet ndibe idiọk usụn̄ emi etiede obot obot n̄kesịm do. N̄wed idụhe ke ediwak usem emi ẹsisemde do, ntre idem ama akpa mme owo ndikụt mme n̄wed ikọ Abasi ke nsio nsio usem mmọ 12. Ke ini n̄wan kiet okokụtde ediye ekpri n̄wed kiet, uyo ama ọbọhọ enye ete: “Se eke usem nnyịn ko!” Akpa ini emi enye okokụtde n̄wed usem Bunak emi enye esisemde edi oro. Ke ufan̄ usen inan̄ kpọt, mme owo ẹma ẹbọ n̄wed 4,571, ediwak owo ẹma ẹnyụn̄ ẹdọhọ ẹdi ufọk ẹdikpep mmimọ Bible. Ata akpa ini emi ediwak mmọ ẹkekụtde Mme Ntiense Jehovah ekedi oro. Nditọwọn̄ ẹma ẹtie ke ata ediwak hour ẹse mme vidio Di Ufan Jehovah ke usem Tetun Dili. Ndusụk nditọwọn̄ ẹma ẹmụm mme ikwọ vidio oro ẹdọn̄ ke ibuot ẹnyụn̄ ẹkwọ mmọ ye inemesịt.

Timor-Leste: Nditọwọn̄ ke ẹse vidio Di Ufan Jehovah

 “Utọ N̄wed Oro ke Nditọ Ufọkn̄wed Ẹyom”

Isụn̄utom iba ke Palau emi ẹkerede Brian ye Roxanne ẹma ẹka ufọkn̄wed ntaifiọk kiet ẹkedọhọ ẹnọ mmimọ itie inịm ukpatn̄kpọ emi isidọn̄de n̄wed nnyịn ikwọrọ ikọ. Mmọ ẹma ẹkekụt akwaowo kiet ke ufọkn̄wed oro, ẹwụt enye vidio ke jw.org emi aban̄ade se mmọ ẹyomde ndinam, ẹnyụn̄ ẹnọ enye ndusụk n̄wed emi mmọ ẹkeyomde ndidọn̄ ke ukpatn̄kpọ oro. Enye ama ọdọhọ ke  ana mmọ ẹkekụt akwaowo en̄wen emi esede n̄kpọ aban̄a nditọ ufọkn̄wed. Owo enye oro ama ọdọhọ mmọ ẹkekụt akwaowo emi esede n̄kpọ aban̄a ufọkn̄wed oro.

Brian ọkọdọhọ ete: “Ima inyene nneme ye akwaowo oro, edi enye ama ọdọhọ ifiak ikokụt ata akpa owo emi ikokụtde. Ke ima ikesịm do ẹma ẹdọhọ nnyịn iwet leta. Esịt ikenemke nnyịn sia eketie nte mmọ ẹkedi ẹtop nnyịn ẹka nnasia ẹtop ẹka ufien, edi ima isụk iwet leta oro.”

Palau:Roxanne ye Brian ẹma ẹneme ikọ Abasi ye nditọ ufọkn̄wed ntaifiọk ke ini mmọ ẹkedọn̄de n̄wed nnyịn ke ukpatn̄kpọ ẹda ẹkwọrọ ikọ

Brian ye Roxanne ẹma ẹfiak ẹkekụt akwaowo emi esede n̄kpọ aban̄a ufọkn̄wed oro, ẹnyụn̄ ẹkere ke enye edidọhọ  ke owo inyịmeke. Brian ọdọhọ ete: “Idem ama akpa nnyịn tutu ke ini enye ọkọdọhọde ke imọ ima ikot mme n̄wed oro ikọnọde mmimọ, ke ẹdi ata nti n̄wed. Enye ọkọdọhọ ke utọ n̄wed oro ke nditọ ufọkn̄wed ẹyom.” Ẹma ẹnyịme mme Brian ẹnam se mmọ ẹkeben̄ede.

Brian ọdọhọ ke akwaowo emi esede n̄kpọ aban̄a nditọ ufọkn̄wed ama ọdọhọ ke ẹsimen nditọ ufọkn̄wed emi ẹdụn̄de ke an̄wa ufọkn̄wed ẹka ufọkabasi ekededi emi mmọ ẹmade ke Sunday. Ke edieke mmọ ẹyomde ndidi eke nnyịn, ke ẹyemen mmọ ẹdi. Idem ama akpa Brian ye Roxanne sia ẹma ẹnyịme mmọ ẹnam se mmọ ẹkeyomde ẹnyụn̄ ẹdọhọ ke ẹyewat nditọ ufọkn̄wed ẹdi Ufọkmbono Obio Ubọn̄.

Akpa usen emi Brian ye Roxanne ẹkenịmde ukpatn̄kpọ oro ke an̄wa ufọkn̄wed, mme owo ẹma ẹbọ n̄wed 65, magazine 8, ye ndiye n̄kpri n̄wed 11. Mmọ ẹma ẹnyụn̄ ẹneme ikọ Abasi ye nditọ ufọkn̄wed. Akwaowo emi esede n̄kpọ aban̄a ufọkn̄wed ye enye emi esede n̄kpọ aban̄a nditọ ufọkn̄wed ẹma ẹdọhọ Brian ye Roxanne ẹsidi.

Mbonurua Ẹse Vidio Nnyịn

Usen kiet, ke ini Lipson emi odude ke Bethel ke Solomon Islands ọnyọn̄de ukwọrọikọ, enye ama okop nte ẹbrede ikwọ Obio Ubọn̄ ke esịt ufọkurua kiet. Enye ama odụk aka ndise m̀mê anie ebre. Idem ama akpa enye ndikụt nte ikpọ owo ye nditọwọn̄ ẹsede TV emi ẹbrede ọyọhọ ikwọ 55 eke vidio Di Ufan Jehovah. Ikwọ oro ekere “Uwem Nsinsi—Ke Akpatre!” Ke ikwọ oro ama okokụre, enyene ufọkurua ama ọdọhọ mmọ ke imọn̄ ibre vidio en̄wen inọ mmọ. Enye ama ebre vidio emi ekerede, Ifọnke Ndiyịp Inọ. Ke vidio oro ama ekebre ama, enye ama ọdọhọ kpukpru mmọ ẹte ẹkûyịp n̄kpọ ke ufọkurua imọ.

 Ke ini ẹkesụk ẹbrede vidio oro, ediwak owo ẹma ẹdi ufọkurua oro, ntre ete enyene ufọkurua oro ama ọdọhọ mmọ ete yak ibre ikwọ emi imọ imade ikan inọ mmọ, onyụn̄ afiak ebre ọyọhọ ikwọ 55. Ke ikwọ oro okụrede, enye ama ebre vidio iba emi, Ntak Emi Ekpekpepde Bible? ye Ẹsikpep Owo Bible Didie? ke usem pidgin mbon Solomon Islands.

Solomon Islands: Enyene ufọkurua emi esima ndibre mme vidio nnyịn nnọ mbon urua esie

Ibat ibat owo ke Solomon Islands ẹsidụk Intanet, sia Intanet ọsọsọn̄ urua inyụn̄ idụhe ke kpukpru itie. Edi enyene ufọkurua oro, emi mîdịghe Ntiense Jehovah esiwụt mbon emi ẹdide ufọkurua esie mme vidio nnyịn, ndien oro ke anam mme owo ẹdiọn̄ọ ata ikọ Abasi.

Enye Ama Okụt Enyịn̄ Abasi ke N̄wed Oro

Ebe ye n̄wan kiet ke Nouméa ke New Caledonia, ẹsima ndidọn̄ n̄wed nnyịn ke ukpatn̄kpọ n̄kwọrọ ikọ kpukpru Monday. Usen kiet, mma kiet ama asan̄a bụt bụt edi itie ukpatn̄kpọ oro edisio n̄wed Nso ke Bible Enen̄ede Ekpep?  asan̄a adaha isioroke uyo. Ke minit 30 ama ekebe, enye ama afiak edi ye n̄wed oro ke ubọk edidọhọ ebe ye n̄wan oro ete: “Ẹmekụt se n̄kụtde emi?” Enye ama okụbọde n̄wed oro owụt mmọ enyịn̄ Jehovah onyụn̄ ọdọhọ mmọ ete: “Se enyịn̄ Abasi edi emi. Mmanam ndụn̄ọde ke ediwak urua ke itie ubon n̄wed man ndiọn̄ọ owo emi Abasi edide. Ke ini mmende n̄wed mbufo ndọhọ n̄ketie ke moto mi n̄kot, akpa n̄kpọ emi n̄kokụtde ke ini n̄kụbọrede n̄wed oro edi enyịn̄ Abasi, Jehovah. Mma ndọhọ ke ana mfiak ndi ndikọm mbufo.” Ebe ye n̄wan oro ẹma ẹneme ikọ Abasi ye enye ẹnyụn̄ ẹkụbọde ẹka se ẹwetde ẹdian ke n̄wed Bible Ekpep ẹkewụt enye ibuotikọ emi, “Enyịn̄ Abasi—Nte Ẹkotde Enye ye Se Enye Ọwọrọde.” Mma oro ama ọdọhọ ke iyom ndika kan̄a itie ubon n̄wed n̄kanam ndun̄ọde, ke iyafiak idi itie oro idibụp mmọ mbụme edieke inyenede, sia mmọ ẹsidude do kpukpru Monday.