Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Enyọn̄-Ukpeme  |  No. 1 2017

 IBUOTIKỌ MAGAZINE EMI | NTE OKPOKOTDE BIBLE MAN ENEN̄EDE ADIA UFỌN

Didie ke Bible Ekeme Ndin̄wam Fi?

Didie ke Bible Ekeme Ndin̄wam Fi?

Bible itiehe nte mme n̄wed eken. Enye ke Andibot nnyịn ada eteme nnyịn nte ikpodude uwem. (2 Timothy 3:16) Enye ekeme ndinen̄ede n̄n̄wam nnyịn. Bible ke idemesie ọdọhọ ete: “Ikọ Abasi enyene uwem onyụn̄ enyene odudu.” (Mme Hebrew 4:12) Enye ekeme ndin̄wam nnyịn ke akpan usụn̄ iba emi: eteme nnyịn nte ikpodude uwem ke usen ke usen onyụn̄ anam ifiọk Abasi ye se enye aduakde ndinam nnọ nnyịn.—1 Timothy 4:8; James 4:8.

Anam ọfiọk nte okpodude uwem idahaemi. Bible ekeme ndin̄wam fi ke ata ediwak usụn̄. Ke uwụtn̄kpọ, enye etịn̄:

Ebe ye n̄wan kiet ke Asia emi ẹkerede Vicent ye Annalou ẹma ẹdikụt ufọn nti item emi ẹdude ke Bible. Ke ini mmọ ẹkedọde ndọ obufa, ama esisọn̄ mmọ ndifiọk nte ẹkpenamde n̄kpọ ye kiet eken ye nte ẹkpenemede nneme ifụre ifụre. Edi mmọ ẹma ẹtọn̄ọ ndinam se mmọ ẹkekotde ke Bible. Didie ke emi akan̄wam mmọ? Vicent ọdọhọ ete: “Se n̄kokotde ke Bible ama anam ndiọn̄ọ nte n̄kpanamde n̄kpọ ye n̄wan mi idem ke ini mfịna odude. Ndidu uwem nte Bible ọdọhọde anam inen̄ede ikop inemesịt.” Annalou an̄wan esie ọdọhọ ete: “Ndikot nte ebe ye n̄wan ke Bible ẹkenamde n̄kpọ ye kiet eken enen̄ede an̄wam nnyịn. Mmenen̄ede n̄kop inemesịt idahaemi nnyụn̄ n̄kop inem ndọ nnyịn. Se ibierede ndinam enem mi n̄ko.”

Anam ọfiọk Abasi. Vicent etịn̄ n̄kpọ en̄wen emi Bible anamde ọnọ enye. Enye ọdọhọ ete: “Ndikot Bible anam n̄kpere Jehovah n̄kan nte n̄kesikperede.” Se Vicent etịn̄de emi owụt ke Bible ekeme ndinam ọfiọk Abasi. Edieke ọfiọkde Abasi, ayadia ufọn nti item emi enye adade Bible ọnọ fi oyonyụn̄ edi ufan esie. Oyokụt n̄ko ke Abasi anam mme owo ẹfiọk nti n̄kpọ emi enye aduakde ndinam ke ini iso, kpa ini emi ididude “ata uwem” ke nsinsi. (1 Timothy 6:19) Idụhe n̄wed en̄wen emi ekemede ndinam nnyịn ifiọk emi.

Edieke ọtọn̄ọde ndikot Bible onyụn̄ akade iso okot, afo n̄ko ọyọfiọk nte okpodude uwem idahaemi onyụn̄ ọfiọk Abasi. Edi, emekeme ndinyene ediwak mbụme nte osụk okotde Bible. Edieke enyenede mbụme, nam se owo Ethiopia emi okodude uwem n̄kpọ nte isua 2,000 emi ekebede, akanamde. Enye ama enyene ediwak mbụme ke ini okokotde Bible. Ke ini ẹkebụpde enye m̀mê se enye okotde an̄wan̄a enye, enye ọkọdọhọ ete: “N̄keme didie ndifiọk ke owo mîtemeke mi?” * Ndien enye ama enyịme Philip emi ekedide mbet Jesus, okonyụn̄ etịmde ọfiọk ndikpep owo Bible, anam se enye okokotde an̄wan̄a enye. (Utom 8:30, 31, 34) Kpasụk ntre, edieke oyomde owo edinam Bible enen̄ede an̄wan̄a fi, mbọk ka www.jw.org/efi kewet enyịn̄ ye adres fo nọ ẹsọk nnyịn, mîdịghe da kiet ke otu adres emi odude ke magazine emi wet nnyịn. Emekeme n̄ko ndinyene nneme ye Mme Ntiense Jehovah emi ẹdude ke edem mbufo. Mbọk tọn̄ọ ndikot Bible mfịn emi man okụt nte enye ekemede ndin̄wam fi.

Edieke mûnen̄ekede unịm ke Bible edi Ikọ Abasi, mbọk se ekpri vidio emi Nnyịn Isan̄a Didie Ifiọk ke Se Ẹwetde ke Bible Enen? Emekeme ndida code emi n̄kûbọde vidio emi, mîdịghe aka jw.org/efi onyụn̄ ese ebiet emi okụtde SE ẸDỌN̄DE > MME VIDIO > BIBLE.

^ ikp. 8 Edieke oyomde ndifiọk nti item en̄wen emi Bible ọnọde nnyịn, mbọk ka ikpehe Intanet nnyịn emi jw.org/efi. Se ke ebiet emi okụtde SE BIBLE EKPEPDE > MME MBỤME BIBLE ORO ẸBỌRỌDE.

^ ikp. 11 Kot n̄ko ibuotikọ emi “Ndi Onyụn̄ Edi Ekpri Ndudue?” ke Enyọn̄-Ukpeme emi.