Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME DECEMBER 2015

 IBUOTIKỌ MAGAZINE EMI | BIBLE EKEME NDIN̄WAN̄A FI

Ntak Emi Okpoyomde Bible An̄wan̄a Fi?

Ntak Emi Okpoyomde Bible An̄wan̄a Fi?

“Bible edi n̄wed ufọkabasi onyụn̄ ọwọrọ etop etieti. Edi enye edi n̄wed esenidụt inyụn̄ ibeheke mbon China.”—LIN, CHINA.

“Mme n̄wed Hindu nnyịn ikam in̄wan̄ake mi, Bible ndien edin̄wan̄a mi?”—AMIT, INDIA.

“Ebịghi etieti ẹkewet Bible ndien n̄kop ke enye ke mme owo ẹnyene ẹkan, edi akanam n̄kwe nte enye etiede.”—YUMIKO, JAPAN.

Ediwak owo ke ofụri ererimbot ẹda Bible nte ata eti n̄wed. Edi ndusụk mmọ idiọn̄ọke se isịnede ke Bible. Ke uwụtn̄kpọ, ata ediwak mbon oro ẹdụn̄de ke Asia idiọn̄ọke se isịnede ke Bible, ediwak mbon oro ẹdụn̄de ke mme idụt emi ẹnen̄erede ẹnyene Bible inyụn̄ idiọn̄ọke n̄ko.

Edi omosụk ekeme ndibụp ete, ‘Ntak emi n̄kpoyomde ndidiọn̄ọ Bible?’ Ndidiọn̄ọ se isịnede ke edisana n̄wed emi ekeme ndin̄wam fi:

  • Okop inemesịt

  • Ọdiọn̄ọ se akpanamde ke ini enyenede mfịna ke ubon fo

  • Ọdiọn̄ọ se akpanamde mbak esịt editịmede fi ibe nde

  • Ọdiọn̄ọ nte odude uwem ye mbon en̄wen

  • Ọdiọn̄ọ nte akpakamade okụk

Da Yoshiko emi odụn̄de ke Japan ke uwụtn̄kpọ. Enye ama esikere m̀mê nso ke Bible ababan̄a. Nte ini akade, enye ama ebiere ndikot nse. Nso ufọn ke enye adia? Enye ọdọhọ ete: “Bible an̄wam mi mfiọk se n̄kpadade uwem mi nnam onyụn̄ anam nnyene idotenyịn.” Enye adian do ete: “Uwem enem mi idahaemi.” Amit oro iketịn̄de iban̄a ama ebiere n̄ko ndikot Bible nse. Enye ọdọhọ ete: “Ama akpa mi idem ndikụt ke Bible ọdọn̄ọ nti item emi ẹkemede ndin̄wam kpukpru owo.”

Bible an̄wam ata ediwak owo mfịn. Mbọk yom usụn̄ kot Bible man etiene adia ufọn.