Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME AUGUST 2015

Mme Mbụme Bible Oro Ẹbọrọde

Mme Mbụme Bible Oro Ẹbọrọde

Ndi uwem okụre ke emi?

Ndi esitie fi nte ke uwem omụhọ akaha?

Ndi akanam emekere m̀mê uwem okụre ke owo ndibre mbre, nnam utom, ndọ ndọ, nnyene nditọ, ekem ọsọn̄? (Job 14:1, 2) Bible owụt ke idem mbon emi ẹnen̄erede ẹdiọn̄ọ n̄kpọ ẹsibụp mbụme emi.—Kot Ecclesiastes 2:11.

Ntak emi idude uwem? Akpa kan̄a, ọfọn ibụp m̀mê uwem ọkọtọn̄ọ didie. Ke ediwak owo ẹma ẹkedụn̄ọde ẹkụt nte mfre ye mme itie eken ke idem owo ẹtiede, mmọ ẹnyịme ke Andibot mme n̄kpọ emi enyene ọniọn̄. (Kot Psalm 139:14.) Ọwọrọ enyene ntak emi enye okobotde nnyịn! Edieke idiọn̄ọde ntak emi, iyọdiọn̄ọ se idade uwem nnyịn inam.

Ntak emi ẹkebotde owo?

Abasi ama ọdiọn̄ akpa eren ye n̄wan emi enye okobotde onyụn̄ ọnọ mmọ ata edinem utom ndinam. Enye okoyom mmọ ẹyọhọ isọn̄ emi, ẹnam enye akabade Paradise, ẹnyụn̄ ẹdu uwem ke nsinsi.—Kot Genesis 1:28, 31.

Se Abasi okoyomde emi itịbeke kan̄a sia akpa ete ye eka nnyịn ẹma ẹsọn̄ ibuot ye enye. Edi Abasi ikosion̄oke idem ikpọn̄ nnyịn ikonyụn̄ ikpụhọkede se enye akaduakde aban̄a nnyịn ye isọn̄ emi. Bible anam ifiọk ke Abasi ke anam n̄kpọ man anyan̄a nti owo, ndien ke se enye akaduakde aban̄a isọn̄ emi oyosu! Abasi oyom fi odu uwem ke nsinsi. (Kot Psalm 37:29.) Ntre, kpep Bible man ọfiọk se akpanamde.

 

Kpep N̄kpọ En̄wen

Ntak Emi Idude Uwem?

Ndi akanam omobụp m̀mê nso ikanam Abasi obot fi? Kop se Bible etịn̄de aban̄a oro.