Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Enyọn̄-Ukpeme  |  August 2015

 IBUOTIKỌ MAGAZINE EMI | NDI MME AKPAN̄KPA ẸKEME NDIFIAK NDU UWEM?

Ndi Owo Ama Akpa, Esie Okụre?

Ndi Owo Ama Akpa, Esie Okụre?

Ndi mme akpan̄kpa ẹyeset?

SE BIBLE ỌDỌHỌDE: “Ini ke edi eke kpukpru mme andidu ke udi editi ẹdikopde [Jesus] uyo ẹwọn̄ọ ẹdi.”—John 5:28, 29.

Ikọ Jesus emi owụt ke mme akpan̄kpa ẹyeset ke ini imọ idikarade ke Obio Ubọn̄ Abasi. Ini oro Udi edina ukpọk. Fernando emi iketịn̄de iban̄a ke akpa ibuotikọ ọdọhọ ete: “Akpa ini emi n̄kokotde John 5:28, 29, idem ama akpa mi etieti. Itien̄wed emi ama ọnọ mi ata idotenyịn, ndien mma ntọn̄ọ ndinịm ke ini iso ọyọfọn.”

Job emi ekedide owo Abasi ama enịm ke edieke imọ ikpade, ke ama ekem ini, Abasi ayanam imọ iset. Job ama obụp ete: “Edieke owo akpade nte enye ekeme ndifiak ndu uwem?” Enye ama ọbọrọ ete: “Ami nyebet ke ofụri usen ọkpọsọn̄ utom mi [oro edi, ini emi enye odude ke Udi], tutu ubọhọ mi edi. Afo oyokot, ndien ami nyeyere fi.”—Job 14:14, 15.

Jesus ndikanam Lazarus eset anam inịm ke mme akpan̄kpa ẹyeset

Martha eyeneka Lazarus ama ọdiọn̄ọ ke mme owo ẹyeset. Ke Lazarus ama akakpa, Jesus ama ọdọhọ Martha ete: “Eyeneka fo eyeset.” Martha ama ọbọrọ ete: “Mmọfiọk nte enye eyeset ke ini ediset ke n̄kpa ke akpatre usen.” Ndien Jesus ama ọdọhọ enye ete: “Ami ndi ediset ye uwem. Owo eke ọbuọtde idem ye ami, idem ọkpọkọm enye akpakpa, oyodu uwem.” (John 11:23-25) Ekem Jesus ama anam Lazarus eset. Jesus ndikanam Lazarus eset anam idiọn̄ọ ke enye ayanam se ikande oro ke ini iso. Kere nte editiede ke ini ẹnamde mme owo ke ofụri ererimbot ẹset!

Ndi ndusụk owo ẹyeset ẹka heaven?

SE BIBLE ỌDỌHỌDE: Ikọ Abasi owụt ke nte ẹkenamde Jesus eset okpụhọde ye nte ẹkenamde owo itiaita eken ke Bible ẹset. Owo itiaita oro ẹkeset ẹdidu mi ke isọn̄. Edi se se Bible etịn̄de mi aban̄a ediset ke n̄kpa Jesus: “Jesus Christ . . . ama ọnyọn̄ aka heaven, onyụn̄ odu ke ubọk nnasia Abasi.” (1 Peter 3:21, 22) Ndi Jesus edi n̄kukụre owo emi esetde aka heaven? Jesus ọkọdọhọ mme apostle esie ete: “Edieke ami nnyọn̄de n̄ka n̄ketịm itie nnịm nnọ mbufo, nyafiak ndi ndida mbufo nnyọn̄, man mbufo n̄ko ẹkpedu ke ebiet eke ami ndude.”—John 14:3.

Christ ama ọnyọn̄ aka nditịm itie nnọ ndusụk  mbet esie ke heaven. Mbon oro ẹsetde ẹka heaven ẹdidi owo 144,000. (Ediyarade 14:1, 3) Edi nso ke mmọ ẹdinam do?

Bible ọdọhọ ete: “Owo emi enyenede udeme ke akpa ediset ke n̄kpa okop inemesịt, enye onyụn̄ edi edisana; udiana n̄kpa inyeneke odudu ke idem mmọ emi, edi mmọ ẹyedi mme oku Abasi ye Christ, ẹyenyụn̄ ẹkara nte ndidem ye enye ke isua tọsịn kiet.” (Ediyarade 20:6) Mbon oro ẹsetde ẹka heaven ẹdinam utom nte mme oku ye ndidem; mmọ ẹyetiene Christ ẹkara isọn̄ emi.

Mmanie efen ke ẹdinam ẹset?

SE BIBLE ỌDỌHỌDE: Apostle Paul ọkọdọhọ ete: “Mmenyene idotenyịn ke Abasi, kpa idotenyịn emi mme owo emi nde ẹnyenede, nte ke ndinen owo ye mme anam ukwan̄n̄kpọ ẹyeset ke n̄kpa.”Utom 24:15.

Ikọ Abasi owụt ke ediwak biliọn owo emi ẹkpan̄ade ẹyefiak ẹdidu uwem

Mmanie ẹsịne ke otu mbon emi Paul okokotde “ndinen owo”? Kiet ke otu mmọ edi prọfet Daniel. Esisịt ini mbemiso enye akpade, Abasi ama ọdọhọ enye ete: “Afo ọyọduọk odudu, edi afo ayadaha ada ọbọ udeme fo ke utịt mme usen.” (Daniel 12:13) Daniel ediset edidu ke m̀mọ̀n̄? Bible ọdọhọ ke “ndinen owo ẹyeda isọn̄ ẹnyene, ẹnyụn̄ ẹdụn̄ ke esịt ke nsinsi.” (Psalm 37:29) Jesus n̄ko ọkọdọhọ ke ‘mbon oro ẹnyenede ifụre ifụre ido ẹkop inemesịt, koro mmọ ẹyeda isọn̄ ẹnyene.’ (Matthew 5:5) Daniel ye nti owo eken, iren ye iban, ẹyeset ẹfiak ẹdidu uwem ke isọn̄ ke nsinsi.

Mmanie ẹsịne ke otu mbon emi Paul okokotde “mme anam ukwan̄n̄kpọ”? Mmọ ẹdi mbon oro ẹkedude uwem, edi tutu ẹkpan̄a inyeneke ifet ndikpep Bible nnyụn̄ ndu uwem nte Bible etemede. Ke ẹma ẹkenam mmọ ẹset, mmọ ẹyenyene ifet ndifiọk nnyụn̄ mma Jehovah * ye Jesus. (John 17:3) Kpukpru mbon oro ẹdimekde ndinam n̄kpọ Abasi ẹyedu uwem ke nsinsi nte Jehovah onyụn̄ odude.

Kpukpru mbon oro ẹnamde n̄kpọ Abasi ẹyedu uwem ke nsinsi, ẹkop nsọn̄idem ẹnyụn̄ ẹkop inemesịt

N̄kpọ editie didie ke isọn̄ ini oro?

SE BIBLE ỌDỌHỌDE: Abasi “ọyọkwọhọde kpukpru mmọn̄eyet ke enyịn mmọ efep, n̄kpa idinyụn̄ idụhe aba, mfụhọ m̀mê ntuan̄a m̀mê ubiak idinyụn̄ idụhe aba.” (Ediyarade 21:4) “Mmọ ẹyebọp ufọk ẹnyụn̄ ẹdụn̄ ke esịt; mmọ ẹyenyụn̄ ẹtọ in̄wan̄ vine ẹnyụn̄ ẹdia mbun̄wụm mmọ.”—Isaiah 65:21.

Kere nte edinemde ndidu uwem ke utọ ini oro ye mbon fo emi ẹnamde ẹset! Edi nso ikpanam enịm ke ẹyenam mme akpan̄kpa ẹset?

^ ikp. 15 Bible ọdọhọ ke Abasi ekere Jehovah.

Kpep N̄kpọ En̄wen

ETI MBỤK EMI OTODE ABASI!

Ntak Emi Abasi Okobotde Isọn̄ Emi?

Bible etịn̄ ntak emi Abasi okobotde isọn̄ emi, ini emi ufen editrede, ye nte isọn̄ emi editiede ke ini iso ye mbon oro ẹdidun̄de ke isọn̄ ini oro.