Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME JULY 2015

Mme Mbụme Bible Oro Ẹbọrọde

Mme Mbụme Bible Oro Ẹbọrọde

Idiọkn̄kpọ okoto m̀mọ̀n̄?

Anie okodomo ndinam Jesus anam idiọkn̄kpọ?Matthew 4:8-10

Esidọn̄ mme owo nditie sụn̄sụn̄, nditịn̄ akpanikọ, ndinyụn̄ mfọn uwem. Nso ndien inam afai, utụk, ufịk, ye ibak ẹwak ntem? Ediwak mbụk n̄kpọntịbe ẹsinam owo ndịk etieti. Okûdi enyene owo emi onụkde mme owo ẹnam idiọkn̄kpọ?—Kot 1 John 5:19.

Ndi nte Abasi okobotde nnyịn mme owo esinam inam idiọkn̄kpọ? Ihih, Jehovah Abasi okobot owo ke mbiet esie man ikeme ndinyene ima nte enye. (Genesis 1:27; Job 34:10) Abasi ama onyụn̄ ọnọ mme owo ifụre ndimek se mmọ ẹdinamde. Akpa ete ye eka nnyịn ẹkemek ndinam idiọkn̄kpọ utu ke ndikpebe Abasi. Ntre, mmọ ẹma ẹkabade ẹdi mme anana-mfọnmma owo. Nnyịn ikada idiọkn̄kpọ ito mmọ.—Kot Deuteronomy 32:4, 5.

Ndi idiọkn̄kpọ eyetre?

Abasi oyom nnyịn idomo ukeme itre idiọkn̄kpọ oro ikadade-da imana. (Mme N̄ke 27:11) Ntre, enye ekpep nnyịn nte ikpetrede ndinam idiọkn̄kpọ ye nte ikpokopde ata inemesịt. Kan̄a ke emi, nnyịn ikemeke ndinyene ima ata ukem ukem nte Abasi.—Kot Psalm 32:8.

Abasi ayak idiọkn̄kpọ aka iso ke esisịt ini man kpukpru owo ẹkpekụt ndiọi utịp oro idiọkn̄kpọ esikamade. (2 Peter 3:7-9) Edi ibịghike, mbon oro ẹkopde uyo Abasi ẹdidụn̄ ke isọn̄ emi ndien mmọ ẹyekop inemesịt.—Kot Psalm 37:9-11.

 

Kpep N̄kpọ En̄wen

Ntak Emi Abasi Okobotde Isọn̄ Emi?

Bible etịn̄ ntak emi Abasi okobotde isọn̄ emi, ini emi ufen editrede, ye nte isọn̄ emi editiede ke ini iso ye mbon oro ẹdidun̄de ke isọn̄ ini oro.