Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME MAY 2015

 IBUOTIKỌ MAGAZINE EMI | NDI UTỊT EKPERE?

Afo Emekeme Nditiene Mbọhọ

Afo Emekeme Nditiene Mbọhọ

Bible anam ifiọk ke ẹyesobo ndusụk owo ke ini utịt edide. Enye ọdọhọ ete: “Adan̄aoro akwa ukụt oyodu, orụk eke akanam mîdụhe toto ke editọn̄ọ ererimbot tutu esịm emi . . . Ke akpanikọ, ke owo mîkpesịbeke mme usen oro ẹmụhọ, baba owo kiet ikpọbọhọke.” (Matthew 24:21, 22) Edi Abasi ọn̄wọn̄ọ ọnọ nnyịn ete ke ediwak owo ẹyebọhọ. Enye ọdọhọ ete: “Ererimbot ke ebebe efep . . . , edi owo eke anamde uduak Abasi ododu ke nsinsi.”—1 John 2:17.

Nso ke akpanam edieke oyomde ‘ndidu ke nsinsi’ ke ini ererimbot emi edibede ifep? Ndi akpana ọtọn̄ọ nditan̄ udia, inyene, ye mme n̄kpọ ntre mbon? Ihih. Bible ọdọhọ ikûnam utọ n̄kpọ oro. Se se enye akam ọdọhọde inam mi: “Sia kpukpru n̄kpọ emi ẹditarade ntem, nso orụk owo ke mbufo ẹkpedi ke edisana ido uwem ye ke mme edinam uten̄e Abasi, mbufo emi ẹtiede ẹbet ẹnyụn̄ ẹsọn̄ọde ẹnyene edidu usen Jehovah ke ekikere.” (2 Peter 3:10-12) Mme ufan̄ikọ en̄wen ke itien̄wed emi ẹwụt ke “kpukpru n̄kpọ emi ẹditarade” mi ẹsịne ukara idiọk ererimbot emi ye kpukpru mbon oro ẹdade ẹnọ mmọ utu ke ndida nnọ ukara Abasi. Omokụt do ke edieke itiede ikọ inyene ibon, ke emi idikemeke ndinyan̄a nnyịn ke usen emi Abasi edisobode ererimbot emi.

Edieke iyomde ndibọhọ, ana isịn idem inam n̄kpọ Jehovah Abasi inyụn̄ ikpep nte ikpodude uwem man inem enye esịt. (Zephaniah 2:3) Ediwak owo mfịn idọn̄ke enyịn ke mme n̄kpọ emi ẹwụtde ke utịt ekpere. Inaha nnyịn itie nte mmọ. Oyom ‘isọn̄ọ inyene usen Jehovah ke ekikere.’ Mme Ntiense Jehovah ẹkeme ndida Bible n̄wụt fi se akpanamde man ọbọhọ usen emi.

Kpep N̄kpọ En̄wen

Nso Idi Eti Mbụk?

Se se idide eti mbụk emi otode Abasi, ntak emi ikpọkwọrọde eti mbụk emi usọp usọp, se ikpanamde.

Nso ke Oyom Inam Man Bible An̄wan̄a Nnyịn?

Inamke n̄kpọ m̀mê nso utọ owo ke afo edi, afo emekeme ndifiọk etop Abasi emi odude ke Edisana N̄wed Abasi.